Túrkistan oblysyna jasaǵan jumys sapary sheńberinde QR Premer-Mınıstriniń Birinshi orynbasary Asqar Mamın Túrkistan qalasyn damytý máseleleri boıynsha jıyn ótkizdi, dep habarlaıdy Premer-Mınıstrdiń baspasóz qyzmeti.
«Memleket basshysy N.Á.Nazarbaev Túrkistan qalasynyń túrki áleminiń mádenı-rýhanı ortalyǵy retinde erekshe den qoıyp keledi, jáne de aǵymdaǵy jyldyń 12 jeltoqsanynda Túrkistannyń birinshikezektegi nysandaryn salý jónindegi jıynda QR Prezıdenti tapsyrǵan mindetterdi der kezinde oryndaý kerek», dep atap kórsetti A.Mamın.
Birinshi Vıse-Premer álemniń 32 eliniń sáýletshileri qatysqan Túrkistan qalasynyń mádenı-rýhanı jáne ákimshiliktik-iskerlik ortalyǵy jobasynyń syzbasyna halyqaralyq konkýrs jarııalap, ınjenerlik ınfraquyrylym salalyq syzbasy bekitilip, «Túrkistanbasjosparyn» qurý jónindegi qarjylyq jáne uıymdastyrýshylyq is-sharalary atqaryldy. Konkýrsta 300 eskızdik sheshimder kelip túsken. Túrkistan qalasyn Damytýdyń Bas jospary tujyrymdamasy sheńberinde úsh birinshikezektegi qurylys aımaǵy: tarıhı ortalyq, mádenı-rýhanı ortalyq jáne ákimshiliktik-iskerlik ortalyq aıqyndaldy.
«Ákimshiliktik-iskerlik jáne mádenı-rýhanı ortalyqtarynyń 17 birinshikezektegi nysanyn jáne tarıhı ortalyqtyń 18 nysanyn qalpyna keltirý jumystaryn uıymdastyrý boıynsha jedel sharalar qabyldaý qajet», dedi Birinshi Vıse-Premer.
Injenerlik ınfraqurylym jobalaryn damytý jónindegi josparmen, sondaı-aq turǵyn úı nysandary men áleýmettik ınfraquyrylymdardy salý jónindegi jumys barysyn Túrkistan oblysynyń ákimi J.Túımebaev baıandap berdi.
О́ńir ákiminiń málim etkenindeı, birinshikezektegi is-sharalardy júzege asyrý jónindegi Jol kartasyna sáıkes 3 sýmenqamtý jáne sýburý jobalary, sonymen qatar qalany tolyq gazben qamtamasyz etý úshin 7 joba júzege asyryla bastaǵan, Túrkistan qalasynyń ınjenerlik ınfraqurylymyn qamtamasyz etý jónindegi 20 joba qurylysyn júrgizý qarastyrylýda. Qazirgi tańda ákimshiliktik-iskerlik ortalyǵy aýmaǵynda 26 kóppáterli turǵyn úıler salynýda. Atalǵan turǵyn úılerge ınjenerlik-kommýnıkasııalyq jeliler tartylýda. 88 besqabatty turǵyn úılerdi jeke qurylysshylar qarjysyna salýǵa- jańa turǵyn úıler alabynynyń irgetasyn qalaý josparlanyp otyr. Páterlerdiń satylymy «7-20-25» baǵdarlamasy sheńberinde júzege asyrylady. 280 oryndyq balalar baqshasy paıdalanýǵa berilip, memleket-jeke áriptestigi sheńberinde 900 oryndyq orta mektep qurylysy bastalǵan. Aıaqtalýy 2020 jylǵa josparlanǵan jeke qurylysshynyń óz qarjysyna besjuldyzdy qonaq úı boı kóterýde.
Jıyn barysynda mádenıet jáne sport mınıstri A.Muhamedıuly tarıhı ortalyqta 18 nysannyń qalpyna keltirý jumystary bastalǵandyǵynan habardar etti.
Mınıstr Túrkistan qalasynyń týrıstik tartymdylyǵyna, jylyna 5 mln. adamǵa jýyq týrısteraǵynyna yqpal etetin jobalardy júzege asyrýdyń mańyzyna toqtaldy.
Jıyn barysynda sondaı-aq ınvestısııalar jáne damý vıse-mınıstri K.О́skenbaev, energetıka vıse-mınıstri M.Myrzaǵalıev, densaýlyq saqtaý vıse-mınıstri A.Soı jáne ózgeleri sóz aldy.
Jumys sapary barysynda A.Mamın «Áziret-Sultan» murajaıy – memlekettik tarıhı-mádenı qoryǵy nysandaryn, sondaı-aq jańadan salynyp jatqan «Otyrar» móltek aýdanyndaǵy qurylystar barysymen tanysty.