Shyǵys Qazaqstan oblysy Úrjar aýdanynyń Baqty orta mektebinde, osy mekteptiń túlegi, «2018 jyl shekarashysy» qurmetti ataǵyna ıe bolǵan leıtenant Ǵıbrat Berikuly Músilimmen kezdesý ótti, dep habarlaıdy shekara qyzmetiniń baspasóz ortalyǵy.
Kezdesýge ofıserdiń ata-anasy shaqyrylyp, olarǵa Qazaqstan Respýblıkasy UQK Shekara qyzmetiniń Dırektory general-maıor Darhan Dilmanovtyń arnaıy jibergen alǵys haty tapsyryldy. Sonymen birge, Ǵıbrattaı shákirt tárbıelegenderi úshin búkil ustazdar ujymyna alǵys bildirgen Shekaralyq mekeme basshysynyń haty osy mekteptiń dırektory Lázzat Túsipqyzy Jaǵalbaevaǵa tabys etildi.
Esterińizge sala keteıik, 2018 jylǵy 10 qarashada «Jaǵalaý kúzeti» О́ńirlik basqarmasynyń Aqtóbe shekara otrıadyna qarasty «Sazdy» shekara zastavasynyń aýmaǵynda zastava bastyǵynyń orynbasary leıtenant Músilim Ǵıbrat Berikuly basqarǵan shekara narıady qarýly shekara buzýshyny ustaǵan bolatyn.
Jaqyn mańdaǵy aýyldardyń biriniń turǵyny «Sazdy» shekara zastavasyna telefon shalyp, Memleketttik shekara syzyǵynyń mańynan kúdikti bir adamdy baıqaǵandyǵy týraly aqparat bergen. Aıtylǵan jerge tez arada shekara narıady jiberiledi. Beıtanys adam, tekserý kezinde narıad basshysyna tutqıyldan pyshaq siltep, jaralaǵan. Shekara narıadynyń basshysy aýyr jaraqat alǵandyǵyna qaramastan tabeldi qarýynan shekara buzýshynyń ómirine qaýip tónbeıtindeı etip oq atyp, shabýyl jasaýshyny jaralap baryp ustaǵan.