Keshe Ulybrıtanııa parlamentinde Eýrodaqtan shyǵý týraly Ulybrıtanııa úkimetimen Eýrodaq arasyndaǵy kelisim boıynsha daýys berý ótti. 632 depýtat qatysqan daýys berýde Tereza Meı jeńildi. 202 depýtat kelisimdi qoldasa, 432-si qarsylyǵyn bildirdi. Bul Ulybrıtanııa tarıhyndaǵy alǵashqy jeńilis.
Bárimizge belgili eki jyl buryn Ulybrıtanııa EO-dan shyǵatynyn málimdedi. Biraq búginge deıin jaǵdaı áli de túsiniksiz. Jaǵdaıdyń shıelenisýine tórt sebep bar. Olar:
Eki jaqtyń kelisimge kele almaýy. Ulybrıtanııa parlamentinde ótken daýys berý nátıjesinde depýtattardyń 52%-y kelisip, 48%-y qarsylyǵyn bildirgen-di. Biraq daýys berý kezinde eshkim «breksıt» máselesiniń qalaı bolaryn túsinbegen de edi.Eýroodaq pen Ulybrıtanııa kelisimge keldi. Endigi kezek Ulybrıtanııa parlamentiniń kelisiminde. Tereza Meı keshegi jeńilisinen keıin úsh kún ishinde «B» josparyn usynýǵa mindetti.
«Jeńil» álde «qatań» breksıt? Brıtanııa men EO dostyǵy saqtalyp qala ma?Qatty breksıt jaǵdaıynda EO-men baılanysty úzýge týra kelse, jeńil breksıt jaǵdaıynda memleket EO-men dostyǵyn saqtap qalady, alaıda olardyń erejeleri men zańdaryna baǵynýǵa mindetti bolady.
Immıgrasııa. Premer-Mınıstr «breksıtten» keıin Ulybrıtanııaǵa kele alatyn EO azamattarynyń sanyn qysqartqysy keledi. Bul Eýropaǵa kóship jatqan brıtandyqtarǵa da áserin tıgizýi múmkin. Soltústik Irlandııa máselesi. Irlandııa men Soltústik Irlandııa eki memlekettiń jerinde ornalasqan. Degenmen aralarynda eshqandaı shekara joq. Eger Birikken Koroldik shekara odaǵynan ketse, memleketter arasyndaǵy júk mashınalaryn tekseretin shekara belgileý kerek bolady. Bul – breksıtti tyǵyryqqa tiregen másele. Shekarany qaıta turǵyzý Soltústik Irlandııada oryn alǵan burynǵy zorlyq pen ýshyǵýǵa alyp keledi desedi.Negizi, eki jaq ta shekara máselesin qalamaıdy. Biraq budan qutqarar amal bar ma? Sońǵy kelissózde Ulybrıtanııa EO-dan shyqqan kezdegi «ótpeli kezeń» máselesi qarastyryldy. Shekara máselesi sheshilmeıinshe, Ulybrıtanııa Eýroodaq zańdaryna baǵynyshty bola beredi. Bul EO-men kelisimge qarsy tarapty alańdatyp jatyr. «О́tpeli kezeń» merizimine deıin shekara máselesi sheshilmese, «qosymsha josparǵa» júginýden basqa amal qalmaıdy. Bul eki jaq raıynan qaıtpaıynsha, Soltústik Irlandııa shekara odaǵynyń quramynda qalady degen sóz.
EO-dan shyǵý 2019 jyldyń 29 naýryzyna saǵat 23:00-ge (London boıynsha) belgilengen. Sheshim qabyldaý úshin sanaýly kúnder qaldy.