Taldyqorǵan qalasyndaǵy fızıka-matematıka baǵytyndaǵy Nazarbaev Zııatkerlik mektebiniń júzge jýyq oqýshysy Wiki Camp aksııasyna qatysty. Bul shara bıylǵy Jastar jylyna oraı «Jastar - elimizdiń maqtanyshy» degen uranmen uıymdastyryldy.
Bul oqý orynynda 2013 jyly «Vıkıpedııa» klýby qurylǵan bolatyn. Sodan beri oqýshylar qazaq, aǵylshyn, orys tilinde maqala jazyp, ony onlaın-ensıklopedııaǵa óz betinshe joldap, tolyqtyrýdy meńgergen eken. Búginge deıin «Ýıkıpedııa» klýbynyń músheleri Jetisý óńirindegi tarıhı-mádenı mura týraly, ǵylymı jańalyqtar men elimizdiń qazirgi zamanǵy jetistikteri týraly úsh myńǵa jýyq maqala jazyp, saıtqa ornalastyrypty.
- «Ýıkıpedııa» klýby mektep oqýshylaryn maqala jazýǵa jáne redaksııalaýǵa daǵdylandyrady. Olardy akademııalyq adaldyq pen jaýapkershilik qaǵıdalaryn ustana otyryp, shyǵarmashylyqpen aınalysýǵa úıretedi. Bizdiń oqýshylar úshin bul álemniń bóligi bolýǵa, qazaqsha ýıkıpedııa mazmunyn damytýǵa úles qosýdyń keremet múmkindigi, - deıdi mektep janyndaǵy «Ýıkıpedııa» klýbynyń úılestirýshi Názıra Sultanova.
Jalpy, Taldyqorǵan qalasyndaǵy fızıka-matematıka baǵytyndaǵy Nazarbaev Zııatkerlik mektebinde ǵana emes, tutas el boıynsha «Ýıkıpedııa» klýbtary jumys istep tur. Barlyq Zııatkerlik mektepterde 2012-2013 oqý jylynan bastaý alǵan úrdistiń arqasynda qazaqsha Ýıkıpedııa oqýshylar jazǵan 20 myńnan astam maqalamen tolyqty.
Qalmahanbet MUQAMETQALI,
«Egemen Qazaqstan»
Almaty oblysy