Bıatlonnan Almatyda ótken jasóspirimder arasyndaǵy el chempıonatynda estafeta jeńimpazdary anyqtaldy. Bul týraly Olympic.kz. habarlady
Bıatlonshy qyzdar jas ereksheligine qaraı 6 jáne 3 shaqyrymǵa jarysqan bolatyn.
Jasy úlken sportshylar arasynda Shyǵys Qazaqstan oblysynyń komandasy eshkimge des bergen joq. Tıtıevskaıa-Kýlakova-Pozdnıakova úshtigi nysana kózdeýde múlt ketpeı, márege birinshi bolyp keldi. Olardyń kórsetkishi – 1 saǵat 2 mınýt 2 sekýnd.
Ekinshi jáne úshinshi oryndy Aqmola oblysynyń bıatlonshy qyzdary ıelendi.
Al estafetadan jasy kishi sportshylar arasynda Almaty oblysy el chempıony atandy. Ekinshi orynda Soltústik Qazaqstan oblysy, úshinshi satyda Qaraǵandy oblysynyń komandalary ornalasqan.