Qyzylorda oblysy polısııa departamenti bastyǵynyń buıryǵyna sáıkes, aǵymdaǵy jyldyń 16-20 qańtar aralyǵynda oblys aýmaǵynda «Mıgrant» jedel-profılaktıkalyq is-sharasy ótkizildi. Bul týraly Qyzylorda oblysynyń polısııa departamentiniń baspasóz qyzmeti habarlady.
Is-sharanyń maqsaty-sheteldikterdiń bolý qaǵıdalaryn buzýdy anyqtaý, turaqty turatyn jáne ýaqytsha turatyn sheteldikterdi tıisti esepke alýdy qamtamasyz etý bolyp tabyldy.
Atalǵan is-sharaǵa departamenttiń Kóshi-qon qyzmet basqarmasy jáne Jergilikti polısııa qyzmet basqarmasymen barlyǵy 266 qyzmetker jumyldyryldy.
Nátıjesinde, kóshi-qon zańnamasyn buzǵany úshin Qazaqstan Respýblıkasy Ákimshilik quqyq buzýshylyq týraly kodeksiniń 518-babyna sáıkes 30 shetel azamatyna ákimshilik hattamalar toltyryldy.
Sonymen qatar, Ákimshilik quqyq buzýshylyq týraly kodeksiniń 519-babymen 5 Qazaqstan Respýblıkasy azamaty ákimshilik jaýapkershilikke tartyldy.
Jeke bastaryn anyqtaıtyn qujattary joq 29 azamaty QIIB-nyń qabyldaý-taratý ornyna jetkizildi.
Bul baǵyttaǵy jumystar jalǵasyn tabýda.