Innovasııalyq jobalar jetekshisi Raýan Kenjehanuly Qazaqstanda Open University jobasyn ashýdy usyndy.
«Ulttyq aýdarma bıýrosy - ózińizdiń tapsyrmańyzben «Rýhanı jańǵyrý» baǵdarlamasynyń bir tarmaǵy «Jańa gýmanıtarlyq bilim. Qazaq tilindegi 100 jańa oqýlyq jobasyn» júzege asyrýǵa qurylǵan qoǵamdyq uıym. Bul da jastar uıymy deýge tolyq negiz bar. О́ıtkeni aýdarmaǵa jumylǵan negizgi mamandarymyz - egemendikte bilim alǵan, bir bóligi «Bolashaq» baǵdarlamasymen oqyp kelgen táýelsizdik qurdastary. Barlyǵy da osyndaı mazmunda jobada jumys istep jatqanyn maqtan tutady. О́tken jyly biz sizge osy joba aıasynda aýdarylǵan 18 oqýlyqty tanystyrdyq. Sodan beri 115 oqý ornynda 1000 danamen tegin taratyldy» dedi Ulttyq aýdarma bıýrosynyń basshysy Raýan Kenjehanuly.
Sonymen qatar dúnıejúziniń eń bedeldi ǵalymdarynyń álem boıynsha mıllıon danamen taralǵan 30 oqýlyǵy qazaq tiline aýdarylyp, jaryqqa shyǵýǵa daıyn ekenin jetkizdi. Bul oqýlyqtar jańa oqý jylynda stýdent jastardyń qolyna tıedi.
«Osy jobamen birge biz onlaın oqý kýrsyn daıyndap jatyrmyz. Bul bilikti mamandardyń qatysýymen vıdeoleksııalar bolmaq. Vıdeoleksııalar, sondaı-aq, konspektiler men bilimdi tekserýge arnalǵan suraq-jaýaptan turady. Onlaın kýrs bul bilim berýdiń tyń tásili men jańa formatyna aınalýy múmkin. «Ashyq Astana ýnıversıteti» bul «Rýhanı jańǵyrý» baǵdarlamasynyń eń mańyzdy nátıjeleriniń biri bolady. Jańa tehnologııalar kómegimen jabdyqtalatyn bul ýnıversıtet bilim sapasyn kóterýmen qatar, ony barlyq adamǵa qoljetimdi etýde úzdik ról atqarady dep oılaımyn. Bul ýnıversıtet álemdegi qashyqtyqtan bilim berý, onlaın oqý konsepsııasymen sáıkes keledi. Bul oqýdyń metodıkasy men tehnologııasy personaldy oqytý ıdeıasyn qoldaıdy. Munda árbir adam ózine qajetti ári óz múmkindigine sáıkes bilim ala alady» dedi ol.