Halyqaralyq fýtbol tarıhy jáne statıstıka federasııasy (IFFHS) 2018 jyldyń qorytyndysy boıynsha álemdegi eń úzdik klýbtardyń reıtıngin jarııalady.
Bir qýanyshtysy, 2017 jylmen salystyrǵanda «Astana» klýby birden 62 satyǵa joǵarlap, bul kúnderi olar 67-oryndy ıelenýde. Bul rette elordalyq ujym Italııanyń «Inter» (Mılan), Reseıdiń «Zenıt» (Sankt-Peterbýrg), SSKA men «Spartak» (Máskeý), Fransııanyń «Monako», Anglııanyń «Lester» jáne taǵy basqa birqatar álemge áıgili komandalardy basyp ozǵan eken.
Qazaqstandyq komandalar arasynda ekinshi úzdik nátıje «Qaıratqa» tıesili. Qazirgi kezde almatylyqtar 181-oryndy ıelenýde. Úshinshi orynda – «Tobyl». Búgingi tańda qostanaılyq klýb 255-satyǵa taban tirep tur.
Al álemdegi eń úzdik on klýbtyń tizimi mynadaı:
«Atletıko» (Madrıd, Ispanııa) «Real» (Madrıd, Ispanııa) «Red Býll» (Zalsbýrg, Avstrııa) «Barselona» (Ispanııa) «Iýventýs» (Týrın, Italııa) «Palmeıras» (Brazılııa) «Atletıko Hýnıor» (Kolýmbııa) «Rıver Pleıt» (Argentına) «Sevılıa» (Ispanııa) «Santa-Fe» (Kolýmbııa).Ǵalym SÚLEIMEN,
«Egemen Qazaqstan»