Jalyndaǵan jastardyń jarqyn jobalary

Kásipkerlik salasynda tabysy tolaıym

Solardyń alǵashqysy bıznes salasynda tolaǵaı tabystarǵa qol jetkizgen 23 jasar kásipker Rasýl Abdýllaev boldy. Ol óz qatarlastarynyń Qazaqstandy damyǵan 30 eldiń qataryna qosa alatyn baqytty býyn ekenin aıtty. Jas kásipker elimizdegi kásipkerlikke kórsetilip kele jatqan qoldaýdyń negizinde jumysyn júrgizip otyrǵan óziniń «You Frame Burger» meıramhanalar jelisi búginde «Burger King» jáne «McDonalds» syndy brend­terge básekelese alǵanyn jet­kizdi. Rasýl aldaǵy 5 jyldyń kóle­minde meıramhana sanyn 100-ge jetkizýdi kózdeıdi. 

«Qurmetti Nursultan Ábish­uly, Jastar jylynda Sizge shartty ataýy Qazaqstan Respýb­lı­ka­synyń Marketıng mınıstrligi degen joba usynǵym keledi. Onyń negizgi maqsaty – Qazaqstandy álemdik arenada rembrendıngileý. Bul barlyq vedomstvolardy damy­tý men qoldaýda, PR-qyz­metterin jaqsartýǵa, «Rýha­nı jańǵyrý» ıdeologııasyn eli­mizde ǵana emes, shetelderde de tany­maldyǵyn arttyrýǵa múm­kindik beretin edi. Oǵan sarapshy, zertteýshi, rejısserler, ssena­rıs­ter men kontent jasaýshylardan turatyn sapaly mamandar komandasyn qurdyq. Biz tek sizdiń qoldaýyńyzdy kúte­miz», dedi R.Abdýllaev.

100 prosent qaýipsiz ónim óndiredi

Memleket basshysy árdaıym aýyl sharýashylyǵyn damytýǵa kóńil bólip keledi, nátıjesinde elimizde osy salada jas mamandar da eleýli jobalardy júzege asyryp jatyr. Sonyń bir dáleli – eshki sútiniń óndirisimen aınalysyp otyrǵan Tamıla Rozmetova. Ata kásipti dóńgeletip júrgen 27 jastaǵy kásipker 5 jyldan beri «Saraıshyq» fırmasyn basqarady. Jas fermer: «Fermada myńdaǵan laq bar, biz 15 túrli sút ónimderin shyǵaramyz. Men irimshikterdiń ár túrin oılap tapqandy unatamyn. Sonyń ishinde óz reseptimmen jasalǵan bireýin týǵan jerimniń qurmetine «Atyraý irimshigi» dep atadym. Bul – Joldaýda aıtylǵandaı paıdaly, tabıǵı, 100 paıyz qaýipsiz ónim», dedi. 

Ol óz ujymyndaǵy 80-ge jýyq qyzmetkerdiń 94 paıyzy 26 jasqa deıingi jastardan turatynyn tilge tıek etti. Sonymen birge Tamıla jastarǵa arnalǵan áleýmettik lıft retinde «Aýyl – El besigi» baǵdarlamasyn aıryqsha atap ótti. Almanyń ota­ny – Qazaqstan ekenin Pre­zı­denttiń «Uly dalanyń jeti qyry» atty maqalasynan oqyp bil­gen ol aldaǵy kóktemde Astana­da alma baǵyn ósirýge daıyn eke­nin jetkizdi, bul úshin fermer kez kelgen aýa raıyna tózimdi almanyń arnaýly 4 sortyn ázirlep qoıǵan. Osyǵan oraı, eń bolmasa 1 gektar jerdi belgilep berýin suraǵan jas kásipkerdiń usynysynan soń, Prezıdent sol sátte Astana qala­synyń ákimine osy iske qoldaý kórsetýdi tapsyrdy. 

Jarqyn jobaǵa atsalysyp júr

Munan keıin sóz alǵan «Wiki Bilim» qoǵamdyq qorynyń, ınno­vasııalyq jobalardyń jetekshisi, sondaı-aq «Google» aýdarmaǵa qazaq tilin engizgen Raýan Kenje­han­uly ózi basshylyq etip otyr­ǵan Ulttyq aýdarma bıýrosy – El­basynyń tikeleı tapsyrmasy­men «Rýhanı jańǵyrý» baǵdar­lama­synyń bir tarmaǵy «Jańa gý­ma­nıtarlyq bilim. Qazaq tilin­degi 100 jańa oqýlyq» joba­syn júzege asyrýǵa arnalyp quryl­ǵan qoǵamdyq uıym ekenin aıt­ty. 

R.Kenjehanulynyń máli­­me­tinshe, muny da jastar uıy­my deýge tolyq negiz bar, óıtkeni aýdar­maǵa jumylǵan negizgi ma­man­dar – egemendikte bilim alǵan, bir bóligi «Bolashaq» baǵ­­dar­­lamasymen oqyp kelgen táýel­sizdik qurdastary. «Olar­dyń barlyǵy da jarqyn jobanyń júzege asyrylýyna atsalysyp júrgenin maqtan tutady. О́tken jyly biz sizge osy joba aıasyn­da aýdarylǵan 18 oqýlyqty tanys­tyrdyq. Sodan beri 115 oqý or­nynda 1000 danamen tegin tara­tyldy. Sonymen qatar dúnıe júziniń eń bedeldi ǵalymdarynyń álem boıynsha mıllıon danamen taralǵan 30 oqýlyǵy qazaq tiline aýdarylyp, jaryqqa shyǵýǵa da­ıyn. Bul oqýlyqtar jańa oqý jylynda stýdent jastardyń qolyna tıedi», dedi ol. 

Aqysyz IT-synyptar ashyp jatyr

Elimizde qoǵam damýyna únsiz-aq úlken úles qosyp, eleýsiz-aq eleýli isterdi atqaryp júrgen jandar bar. Biz bile bermeımiz. Osy olqylyqtyń ornyn toltyr­ǵan jarqyn joba – «100 jańa esim». Atalǵan jobanyń alǵashqy kezeńinde jeńimpaz bolǵan jas ónertapqysh Ivan Krepak sóz sóıledi. Ol Nazarbaev zııatkerlik mektebiniń 12 synyp oqýshysy, sondaı-aq osy ýa­qytqa deıin ondaǵan robot qu­rastyryp, birneshe mobıldi qo­sym­shany qoldanysqa engi­zip úlgergen. Bul shetelde sharyq­tap damy­ǵany­men, bizde kenjelep kele jatqan otandyq IT salasynyń alǵa ilgerileýine aı­tarlyqtaı atsalysty degen sóz. 

«Jas Otan» jastar qanaty­nyń belsendi múshesi I. Krepak qazirgi tańda «Nur Otan» partııa­sy aıasynda balalarǵa arnalǵan aqysyz IT-synyptar ashylyp jatqa­­nyn eske saldy. Mundaı myń synyp ashý josparlanǵan, búgin­de onyń sany 811-ge jetken. IT-synyptar 8-16 jas aralyǵyn­daǵy balalardy baǵdarlama­laý men robo­t tehnıkaǵa, sondaı-aq 3D-model­deýge oqytady. «Siz­diń tapsyrmańyzben «Jas Otan» uıymdastyrǵan «Nurin­tech» respýblıkalyq jas­tar ın­no­vasııalyq jobalar baı­qaýy­­nyń arqasynda ózimniń áleýe­timdi kórsetip, robot tehnıka, baǵdarlamalaýshy boldym. Múm­kin­digi shekteýli bolǵanymen, rýhy myqty jandarǵa arnalǵan «Voicekomek» mobıldi qosym­sha­syn iske qostym. Bul qazir 7 til­­de, árıne qazaq tilinde qyzmet kór­setedi», dedi ol. 

Qazirde 5 mıllıonǵa jýyq qandasymyz shet elderde turady. Olardyń bári óz bolashaǵyn tarıhı Otany – Qazaqstanmen baılanystyratyny belgili. Sheteldegi qazaq jastary da elimizdiń atyn álemge tanytýǵa aıanbaı eń­bek etip keledi. Sonyń bir aıǵaǵy – búrkitshi qyz Aısholpan Nur­ǵaıyp­qyzy. Aısholpan dúnıe júzine saıatshylyqty jańǵyrtqan, ata dástúrdi ustanǵan eń jas qyz retinde tanylǵan. Ol 13 jasynda búrkitshiler saıysynda jeńimpaz bolǵan. Qarshadaı qazaq qyzy týraly amerıkalyq rejısser Otto Bell «Búrkitshi qyz» atty derekti fılm túsirip, álemniń otyz elin­de kórsetildi. Atalǵan fılm «Oskar» syılyǵyna usynylǵan 15 úz­dik fılmniń qataryna engen edi. 

Garvard jáne Oksford ýnı­ver­sıtetterinen shaqyrtý alǵan Aısholpan búginde Qazaqstannyń arnaıy usynysyn qabyldap, Astanada bilim alyp jatyr. «Syrt­ta júrgen 5 mıllıon qazaq­­tyń birimin. Baıólke aı­ma­ǵynda týyp-óstim. Alaıda ata­­­mekenim – Qazaqstan ekenin esh ýa­qytta umytpadym», dedi ol. Aısholpan ózin tanytqan derekti fılmniń qazaqtyń salt-dástúrin dúnıe júzine tanytýǵa úles qosqanyn aıtty. Sondaı-aq Astanada jáne basqa qalalarda qazaqtyń salt-dástúrin oqyp-úı­re­tetin ortalyqtar, sonyń ishin­de búrkitshiler mektebi ashyl­­sa degen armanyn jetkizdi.

Zaýyt jastarynyń kópshiligi – kreatıvti

Budan soń sóz alǵan Aqsý ferroqorytpa zaýytynyń metall qorytýshysy Aleksandr Shýtov minberge bettegen sátte onyń júrisi men qımyl-qozǵalysynan naǵyz jumysshy mamandyǵyna tán salmaqtylyq pen senimdilik baıqalyp turdy. Oǵan Elbasynyń da eńbek jolyn metallýrg maman­dyǵynan bastaǵandyǵyna baı­lanysty áriptestik sezimi áser etse kerek. Bul paıymdy Alek­sandr­dyń áp degendegi sózi de dá­ıek­tep turdy. Metallýrg ma­man­dyǵyn 20 jasynda meńgerip, alty jyldyń ishinde qyzmet saty­sy­men óse túsken ol zaýyt­tyń qoǵamdyq ómirine de belsene aralasady eken. Oǵan qosa, zaýyt janyndaǵy jastar ǵylymı keńesiniń beldi múshesi.  

Onyń aıtýynsha, zaýyttaǵy metal­lýrgterdiń kópshiligi – krea­tıvti jastar. Olardyń bári de zamanǵa saı ıdeıalardyń bastamashysy bolyp otyr. 

Jas metallýrg elimizdiń adal eńbek etip júrgen barsha jas­tarynyń atynan Memleket basshysyna alǵys aıtty. 

– Sóz sońynda mamandyq tańdaý aldynda turǵan jastarǵa úndeý tastaǵym keledi. О́ndiris – óz áleýetińdi tanytýdyń keremet múmkindigi. Eńbek jolyn óndiriste bastaı otyryp, kóp maqsatqa jetýge bolady. Bizdiń Prezıdent Nursultan Ábishuly osy rette bizge jarqyn úlgi bola alady, – dep Aleksandr Shýtov jan saraıyn aqtardy.

Bul – qarapaıym túlekke zor múmkindik

Álemde jastardy shet memle­ket­terdiń oqý oryndaryna attandyryp, bilim alýyna, ǵylymı dáreje ıelenýine jaǵdaı jasap otyrǵan memleketter neken-saıaq bolsa, solardyń biregeıi bizdiń el ekendigi anyq. Prezıdenttik «Bolashaq» baǵdarlamasy ar­qyly táýelsizdik jyldarynda shet­el­diń ozyq oqý oryndarynda bilim alǵan 10 myńnan asa jas­tyń biri Damıra Perne­baevnyń tańdaǵan salasy da – búgingi trend. Atap aıt­­qanda, shıkizatqa táýeldi emes ener­gııa kózderin jetildirý Nazar­baev Ýnıversıtettiń jas dok­toranty úshin erekshe mańyzǵa ıe. Ol ýnıversıtet professorlarymen birge sarqylmaıtyn energııa kóz­derin anyqtaýǵa den qoıǵan. 

Sondyqtan da Elbasynyń aldynda, zamandastarynyń kózinshe D. Pernebaeva óziniń ǵylymı baǵytyn tanystyrý sátinde esh irkilgen joq. 

– Men – «Bolashaqtyń» túlegi­min. Baǵdarlama 25 jyl ishinde men sekildi qarapaıym otbasynan shyqqan 10 myńnan astam túlekke álemdegi eń úzdik oqý oryndaryn­da bilim alýǵa múm­kindik berdi. Shotlandııada ener­getı­ka mamandyǵy boıynsha magıstr atanyp, shıkizattan tys ener­getıkanyń mańyzdylyǵyna kóz jetkize tústim. Baǵytymnyń durys­tyǵyna Astanada álem nazaryn aýdarǵan EKSPO-2017 halyqaralyq kórmesi de dálel bola alady. Kórmede jasyl energetıka boıynsha álemniń al­dyńǵy qatarly tehnologııalary usynyldy. Shyn­dyǵynda, bizdiń Otanymyz tek qazba baı­lyq­tarǵa ǵana baı memleket emes, bala­maly energetıkany damy­týǵa da áleýeti zor el. Qazir ýnı­ver­sıtet professorlarymen birigip aýyl sharýashylyǵy qal­dyq­tarynan energııa qýatyn alý­dyń joldaryn zertteýdemiz. Joba­myz sátti júzege asqan kúnde sharýa­shylyqtar qazir kereksiz bolyp jatqan qaldyqtarynan energııa óndirip qana qoımaı, artylǵanyn satýǵa múmkindik alady. Sondaı-aq joǵary kerneýli jelilerge jasandy ıntellekt júıesin engizýge arnalǵan jobalarymyz da bar. Munyń barlyǵy – jas­tardy, jastardyń bastamalaryn memlekettik qoldaýdyń jemisi, – dep sózin túıindedi jas ǵalym. 

Maqsat – ulaǵatty jas urpaq tárbıeleý 

Prezıdent 2018 jyly 5 qa­zan­daǵy Joldaýynda «Jas-Sarbaz» balalar-jasóspirimder birlestigin qurýdy jáne mektepterde áskerı-patrıottyq tár­bıe berýdiń rólin kúsheıtýdi tap­syrǵan edi. Sonyń negizinde qol­ǵa alynyp, jumysyn bastap ket­ken «Jas sarbaz» balalar-jasós­pirimder qozǵalysynyń tór­aǵasy Meıirbek Meńdiǵalıev byl­­tyrǵy qarashada «Otan. El­basy. Jas sarbaz» is-sharasyn­daǵy kezdesýde bergen tapsyrma boıynsha 1 aıdyń ishinde elimizdiń barlyq óńirinde «Jas sarbaz» qozǵalysynyń fılıaldary ashylǵanyn aıtty. 

«Búginde áskerı-patrıottyq klýb­­tar men synyptardyń sany 2884-ke jetti. Olar 74602 jas­­ós­­pirimdi qamtyp otyr. Tereń tarıhyn biletin, búginin baǵa­laıtyn, táýelsizdikti kóziniń qara­shy­ǵyndaı qorǵaıtyn ulaǵatty jas ulandardy tárbıeleý – «Jas sarbaz» qozǵalysynyń basty maq­saty. Eldik múddeni, bıik maq­satty kózdegen qozǵalys tór­aǵa­sy Qarýly Kúshterdiń Joǵa­rǵy Bas qolbasshysy N.Nazar­baev­­­t­y maýsym aıynda ótetin «Aıbyn» áskerı-patrıot­tyq res­pýb­lı­kalyq jıynyna shaqyrdy. 

Nátıjeli ister – aıqyn oıdyń jemisi

Fransýz jazýshysy Denı Dıdro: «Basqaǵa qýanysh syılaı bilgen – eń baqytty jan», degen eken. Búginde elimizde de meıirim­di­l­ik pen adamgershiliktiń bıigi­nen boı kórsete bilgen erikti­ler bar­shylyq. Solardyń derligi jas­tar ekeni kóńilge qýanysh syı­laıdy. Sharada sóz sóılegen kezek­ti spıker, «Eriktiler lıgasy» qoǵam­dyq qorynyń tóraıymy Aısulý Ernııazovanyń nátıjeli isteri osy oıymyzdy aıqyndaı túsedi. 

Ol sózinde: «Men – eriktimin. Men úshin erikti bolý – jaı ǵana sóz emes, ómirlik ustanym! О́ıtkeni erikti bolý óz elin, halqyn súıý degendi bildiredi», dedi. Qoǵamdyq qordaǵy eriktiler sanyn 10 myńǵa jetkizgen A.Ernııazova qazirgi tańda eldegi eń iri is-sharalardy joǵary deńgeıde ótkizýge atsalysyp júrgen qoǵam belsendisi. Qoǵamdyq qor tóraıymy: «Men óz qyzmetkerlerime únemi erikti jumyspen aınalysyńyzdar. Osynyń ózi rýhanı turǵydan jańǵyrý ekenin aıtamyn», dedi. Ol múmkindigi shekteýli jandarǵa, qarııalarǵa, jetimderge, zeınet­ker­lerge, úısiz júrgenderge jáne basqa da muqtaj jandarǵa kómek­te­sýge baǵyttalǵan «Ashyq júrek» atty Eriktilerdiń biryń­ǵaı bazasyn qurýdy usyndy. 

Al jas aqyn Mereı Qart Mem­leket basshysynan jas qalam­­gerlerge arnalǵan Ádebıet aka­de­mııasyn qurýǵa qoldaý bildirýdi surady. 

– Qazaqtyń jas aqyn-jazýshy­lary memleket qoldaýynan kende emespiz. Qazaqstannyń jas aqyn-jazýshylary ultymyzdyń rýhanııatyna, ádebıetimizdiń damýyna úles qosyp júr. Mysaly, men ót­ken jyly ózińizdiń qol­daýy­ńyz­ben Qazaqstan jazýshylar oda­ǵy qol­ǵa alǵan jalpy­res­pýb­lı­ka­lyq «Ádebı ólketaný» joba­sy­na qa­tys­tym. Arnaıy Kere­ký jeri­ne baryp, sol jerdiń áde­bıe­ti­men, máde­nıetimen tanysyp, bir top shy­ǵarma jazdym. Tek qana men emes, res­pýb­lıkamyz­dyń ár aı­ma­ǵyn­daǵy aǵa býyn aqyn-jazý­shy­lar, jas qalamgerler osy jo­baǵa qa­tysty. Elimiz týra­ly, jeri­miz tý­ra­ly shyǵar­ma­lar dúnıege kel­di. Osyn­daı múm­­kin­dik bergen siz­ge ba­rlyq qalam­ger­lerdiń atynan al­ǵy­sym­dy bil­diremin, – dedi Mereı Qart. 

Jańashyldyq jastarǵa jarasady

Bolashaǵynan úmit kúttirer jastardyń biri, 13 jasynda Qazaq-Brıtan tehnıkalyq ýnıver­sıteti aqparattyq tehno­lo­gııalar fa­kýl­­­tetiniń 2 kýrsynda oqyp júrgen Abzal Myrzash min­ber­ge kóterilgen sátte-aq zaman­das­tarynyń nazaryn aýdardy. 

«Latyn qarpine aýysý IT tehno­logııa­lyq progresten qalys qal­maýǵa, elimizde álemdik ıntegrasııa­ny kúsheıtýge, eń bastysy, qazaq tilin damytýǵa jaǵdaı týǵyzady. Son­dyqtan sizge usynatyn eki jobam bar. Birinshi jobamda dıa­graftyq tásil arqyly kom­pıý­­terdiń pernetaqtasyna yń­ǵaı­lap qazaq-latyn álipbıin jasadym. Meniń bul nusqam arqy­ly álemniń kez kelgen jeri­nen kompıýterdiń standartty aǵyl­shyn pernetaqtasyn paıdalanyp qazaqsha jazýǵa bolady. Ekinshi jobamda kırıllısadan latyn qarpine aýdaratyn konverterlik baǵdarlama jasadym. Qazir meniń bul baǵdarlamam arqyly kırıllısadan latyn grafıkasyna bir mınýtta 1200-den astam kitap aýdarýǵa bolady», degen sátinde Nursultan Nazarbaev aǵa býyn qalamgerlerdiń kókeıin­degi máseleni dóp basty. 

– Jazýshylarymyz bizdiń burynǵy jazǵan kitaptarymyz qaıda qalady dep júrýshi edi, endi biletin boldy, – dep óner­tapqysh jasty kótermelep qoıdy. 

Qyzdardy ózin ózi qorǵaýǵa úıretedi

Budan soń sóz alǵan djıý-djıtsýden álem chempıony Mól­dir Mekenbaeva sport sala­syn­daǵy tájirıbesi jáne osy salada atqaryp jatqan jumys­tary týraly aıtyp berdi. 

– Búginde men Nazarbaev ýnı­ver­sıtette bilim alyp júrmin. Djıý-djıtsýdan halyqaralyq dárejedegi sport sheberimin. Tatamıge shyqqan saıyn elimdi barlyq álem tanysa eken dep armandaımyn. Ejel­gi ýaqytta Uly dalanyń áıel­de­ri batyl ári qaısar minezdi bol­dy. Saqtardyń patshaıymy – To­mı­rıs massagetterdi bas­qa­ryp, óz jerin, óz elin qor­ǵaı bil­di. Fashızmge qarsy soǵys­ta Álııa Moldaǵulova men Mán­shúk Mámetova kózge tústi. Men Nazar­baev Ýnıversıtette alǵash ret ar­naıy klýb ashtym. Sol jerde ót­ken jyldan bastap qyzdardy ózin ózi qorǵaı bilýge, djıý-djı­t­sý men grepplıngke tegin úıre­­tip júrmin, – dedi Móldir Mekenbaeva. 

Osy kezde Prezıdent Nursul­tan Nazarbaev: «Qyzdardy ózin ózi qorǵaı bilýge úıretken asa mańyzdy», dep óz oıyn jetkizdi.

Kópbalaly bolýdan qoryqpaý kerek

«Táýelsizdik urpaqtary» jıy­­nyna Túrkistan oblysynan ar­naıy kelgen, 27 jasqa tol­ǵansha 7 balany dúnıege ákel­gen Jazıra Turǵynova jastary­myz kópbalaly bolýdan qoryq­paý­lary kerek, degen sátte qatysý­shylar dý qol shapalaqtady. 

– Dana halqymyzda «Bir qozy dúnıege kelse, bir túp jýsan artyq shyǵady» degen sóz bar. Allanyń qalaýymen 7 sábıimdi ómirge ákeldim. Ár balamnyń ómir­ge kelýimen qatar bizdiń úıde úlken qýanyshtar oryn ala­dy. Balalarymnyń kúlkisinen ómir­ge degen qushtarlyq alamyn. Qazir­gi tańda balalarymnyń úlkeni 11 jasta, ol meniń birinshi kómekshi­me aınaldy. Ata-babalarymyz­dan mıras bolyp qalǵan osynaý baıtaq elimizde sábılerdiń kóp bolǵanyn qalaımyn. Men búldirshinderimniń keleshegine senimdimin. Elimizdiń jastaryn kópbalaly bolýdan qoryqpaýǵa shaqyramyn. Ár bala dúnıege óz nesibesimen keledi, – dedi J. Turǵynova.

Sóıtip, Elbasy men zaman­das­tarynyń aldynda jeke jetistik­terin jahanǵa jarııalap, tyń usynystarymen bólisken jastar táýelsizdik urpaqtary retinde qosymsha senimge ıe boldy. Ol – Elbasynyń, eldiń qoldaýy. 

Mine, osyndaı saltanatpen ashyl­ǵan Jastar jyly jıyn­da aıtylǵan pikirlerdiń, usynys­tar­dyń, naqty isterdiń iske asyrylyp, naqty berekeniń bastaýyna aınalar kúni jaqyn. Endeshe, iske sát, jastar!

Tımýr DJÝRÝMBAEV, Qazaqstan halqy Assambleıasy janyndaǵy «Jarasym» respýblıkalyq jastar uıymynyń tóraǵasy:

– Qazaqstandyq jastarǵa arnalǵan sondaı keremet shara ótti. Elbasy N.Nazarbaev forýmda bilimdi damytýǵa, aýyldaǵy jastardy qoldaýǵa, jastar arasyndaǵy jumyssyzdyq máselesine erekshe kóńil bóldi. Bıylǵa baǵyttalǵan jobalar men mindetter naqtylanǵan Joldaý negizindegi bul jıyn Prezıdenttiń jastar máselesin árdaıym esten shyǵarmaıtynyn taǵy bir dáleldedi. Baıqasańyz, Memleket basshysy jastarǵa múmkindiginshe kóp ýaqyt bólip, aldymen olardy tyńdady. Maǵan erekshe unaǵany – otbasyn qurýǵa jasóspirim kezden daıyndaý kerektigin aıtqany. Shynynda otbasy qurýǵa daıyndyq, ondaǵy negizgi máselelerden habardar bolý mekteptegi joǵary synyptardan bastalǵany abzal. Sonda elimizdegi ajyrasý azaıar edi. Budan bólek, Qazaqstan halqy Assambleıasynyń negizgi jumystaryn Jastar jyly aıasynda júrgizý­di tapsyrdy, men osy organnyń múshesi retinde aıtylǵan baǵytta eńbek etýge atsalysamyn. 

Qalqaman SARIN, aqyn, Jazýshylar odaǵynyń múshesi:

– Eldiń rýhy – ádebıette. Osy oraıda, Qazaqstan Jazýshylar odaǵynyń bastamasymen jas aqyn, Daryn jastar syılyǵynyń ıegeri Mereı Qarttyń aýzymen Elbasyna Ádebıet akademııasyn ashý týraly jaqsy usynys aıtyldy. Atalǵan usynys ádebıet ókili retinde meni qatty qýantty. Bul qoldaý taýyp, qolǵa alynsa, sondaı-aq álemdik ádebı ınstıtýttarmen baılanys ornatatyn akademııa bolsa, sonyń arqasynda ádebıetke bet burǵan jańa býyn shet tilderin bilý múmkindigin ıelenip, soǵan saı grant bólinse, jas aqyn-jazýshylardyń kásibı biliktiligin arttyryp, baı muramyzdy ózge de elderge tanytýǵa jaǵdaı jasalar edi. Bul bas­tamany barlyq qalamger qaýym qoldaıdy dep senemin. 

Úmitjan RAHMANQULOV, Nazarbaev Ýnıversıtettiń 2-kýrs stýdenti:

– Shara bizdeı jastarǵa úlken úmit pen senim syılady. Sebebi men ýnıversıtettegi Ekonomıkalyq qoǵamdastyqtyń vıse-prezıdentimin. Bizdiń klýb túrli deńgeıde ekonomıkalyq baıqaýlar uıym­dastyrady. Mine, ondaǵy qoǵamdyq jumys­tardyń bárin biz óz erkimizben isteımiz. Oǵan eshkim aqy tólemeıdi. Sondyqtan bizdi Elbasy N.Nazar­baevtyń saltanatty rásimdegi erikti-stýdentterdiń shákirtaqysyn 30 prosentke kóterýdi tapsyrýy erekshe qýantty. Biz endi alda qoǵamdyq isterdi burynǵydan góri shabytpen qolǵa alamyz.

Jazyp alǵandar 

Serik ÁBDIBEK,

Aıdana ShOTBAIQYZY,

«Egemen Qazaqstan»