Oblys óńirinde júrgizilgen «Saıgak» jedel-profılaktıkalyq sharasy 5 kúnde 46 ákimshilik quqyq buzýshylyqty anyqtady.
Zańdy belden basqandardyń basym kópshiligi oblys óńirindegi ańshylar bolyp tabylady. Oblystyq Polısııa departamentiniń Jergilikti polısııa qyzmeti basqarmasy Tabıǵat qorǵaý polısııasynyń bastyǵy Talǵat Ahmetovtyń aıtýynsha, 5 kúnniń ishinde tártip saqshylarynan 40 jedel top qurylyp, múddeli tabıǵat qorǵaý mekemelerimen birlesip jumys istedi.
«246 reıdtik sharalar kezinde 28 ańshylyq, 12 balyq aýlaý erejeleriniń, 4 qarý ustaý erejesiniń buzylǵany anyqtaldy, sonymen qatar 2 adam zańsyz qarý saqtaǵany úshin ákimshilik jaýapkershilikke tartyldy» deıdi Talǵat Ahmetov.
Barlyǵy 40 brakonerge 202 myń teńge aıyppul salyndy. «Saıgak» profılaktıkalyq sharasy aıdyń aıaǵyna deıin jalǵasatyn bolady.
Názıra JÁRIMBET,
Egemen Qazaqstan
Qostanaı