Qazaqstandyq 20 jastaǵy boksshy Sadrıddın Ahmedov (7-0, 7KO) WBC nusqasy boıynsha jastar arasynda birinshi orta salmaqta álem chempıony ataǵyn jeńip aldy.
Kásipqoı rıngte jetinshi ret kezdesý ótkizgen S.Ahmedov Kanadanyń Monreal qalasyndaǵy Montreal Casino oıyn-saýyq ortalyǵynda ótken jekpe-jekte Meksıka boksshysy Abraham Hýaresti (13-2, 5 KO) tórtinshi raýndta nokaýtqa jiberdi.
Jalpy, jekpe-jek on raýndqa eseptelgen bolatyn. Alaıda qarsylasyn eki ret dokdaýnǵa jiberip, aqyry nokaýtqa túsirgen S,Ahmedov jastar arasyndaǵy WBC beldiginiń ıegeri atandy. Aıta ketý kerek, jerlesimiz ázirge jeńilgen emes.