Bul týraly Oblystyq polısııa departamentiniń baspasóz qyzmet habarlady. Onda departamenttiń Jeke qaýipsizdik basqarmasynyń bastyǵy Altynbek Shúıinshálıev bul týraly súıinshi suraǵandaı etip aıtty. Rasynda, ol Polısııa departamentinde, ishki ister salasynda, tipti qoǵamdaǵy tártip, qyzmetke adaldyq, elge degen patrıottyq sezim osydan bastalatynyn jetkizgen.
Jaǵdaı bylaı bolǵan edi. Qostanaı qalasynda ótken jedel-profılaktıkalyq sharalar kezinde polıseıler «Folsvagen»jeńil kóligin toqtatady. 28 jastaǵy júrgizýshi ákimshilik jaýapkershilikten sytylyp ketý úshin polıseıge 10 myń teńge para usyndy. О́ıtkeni kóliktiń memlekettik tirkelgen nómiri joq bolatyn, onyń ústine júrgizýshiniń rýlge otyrý quqy týraly kýáligi de bolmady. Ol buryn mashına júrgizý quqynan aıyrylǵan edi.
Tártip saqshysy paradan bas tartyp, bul týraly Jeke qaýipsizdik basqarmasyna habarlady. Basqarma qyzmetkerleri kelip, júrgizýshini ustady jáne paraǵa usynǵan 10 teńgeni tárkiledi.
Polısııa ofıseri para almaı, qatal zań sheńberinde áreket etkenin, budan basqasha isteı almaıtynyn málimdedi. Qazir QR QK 367-babynyń 1-shi bólimi boıynsha sotqa deıingi tergeý amaldary júrip jatyr.
Názıra Járimbet,
«Egemen Qazaqstan»
Qostanaı