Qytaı kúntizbesi boıynsha asqan saltanatpen toılanatyn halyqtyq jańa jyl – kóktem merekesine de az qaldy. Mıllıondaǵan el turǵyndary jańajyldyq demalysqa ázirlenip jatsa, keıbir qyzmetkerlerge qosymsha 7 kúndik demalys qosa berilip otyr.
Taǵy ne bastap otyr dep oılap qalsańyz, mundaǵy áńgime 35 jas shamasyndaǵy turmysqa shyqpaǵan qyzdar tóńireginde bolyp otyrǵanyn birden aıta keteıik. Jumysqa birjola den qoıyp, saltbasty, sabaý qamshylyqqa úırengen boıjetkender de jar súıip, otbasy qurýdan kende qalmasyn degen sheshimge kelgen birqatar qytaılyq kompanııalar qyzmetkerlerine qosymsha demalys berýdi jón kórgen. South China Morning Post basylymynyń jazýynsha, Hanchjoý qalasyndaǵy eki birdeı kompanııa qaramaǵyndaǵy 30 jastan asqan qyzdarǵa qosymsha demalys jarııalaǵan. Artynsha qalalyq mektepte de osyndaı sheshim qabyldanyp, ustamdy ustazdar da jeke ómirine ýaqyt arnaýy kerek dep taýypty.
Turmysqa shyqpaǵan jıyrma bes jastan asqan qyzdardy «Shyń-núı» () – «otyryp qalǵan qyz» dep aıtý qytaı saltynda da bar dúnıe eken. Týmysynan eńbekqor keletin qytaı ultynyń osy bir qasıeti endi óz bastaryna taıaq bolyp tıip otyrǵan syńaıly. Jumysty janyǵyp istep, otbasy qurýǵa asyqpaıtyn áıelder qaýymynyń jyl saıyn artyp kele jatqany osynyń aıqyn dáleli.
Daıyndaǵan Aıa О́MIRTAI,
«Egemen Qazaqstan»