Birneshe kún buryn Almaty oblysynyń Kóksý aýdanynyń aýmaǵynda kólik qaǵyp mert bolǵan adamnyń múrdesi tabyldy edi. Polısııanyń dereginshe, oqıǵa Almaty – О́skemen tas jolynyń 189-shaqyrymda bolǵan.
Tekserý qaıtys bolǵan adamnyń denesin eki kóliktiń taptap ótkenin anyqtaǵasyn, oblystyń jol-patrýldik polısııasynyń jeke rotalary jedel izdestirý jumystaryna kiristi. Nátıje kóp kúttirmedi. Polısııa jol boıyndaǵy adamdy qaǵyp, oqıǵa ornynan qashyp ketken «Gelendvagen» kóligin tapty. Munan keıin jol ústinde qımylsyz jatqan múrdeni ekinshi márte janshyp ótken «Kamaz» júk kóligi ekeni anyqtalyp, júrgizýshi ustaldy.
Qazir ustalǵan eki júrgizýshige qatysty tergeý bastalyp, «Qylmystyq kodekstiń» 345 babynyń «adam ólimine soqtyrǵan jol erjesin buzý» tarmaǵy boıynsha qylmystyq is qozǵaldy.
Qalmahanbet MUQAMETQALI,
«Egemen Qazaqstan»
Almaty oblysy