Karateden Parıjde ótken Premer-lıga týrnıriniń júldegeri Dıdar Ámiráli Olympic.kz saıtyna shaǵyn suhbat berip, reıtıngilik báseke týraly oıymen bólisti.
- Karate Olımpıada baǵdarlamasyna engeli beri, bizdiń sporttaǵy básekelestik odan saıyn artýda. Budan buryn da sportshylar sany az emes edi. Parıjdegi dodaǵa óz salmaǵyndaǵy kil myqtylar qatysty. Maǵan óz kúshim men tájirıbemdi paıdalanyp, úzdik úshtikke ený baqyty buıyrdy.
Bul - meniń Premer-lıga dodasynda jeńip alǵan ekinshi medalim. Jalpy, Olımpıadaǵa upaı jınaý úshin jasaǵan alǵashqy qadamym dep bilemin.
Jartylaı fınalǵa deıin súringen joqpyn. Biraq ákki sportshy, Eýropa chempıony, ıtalııalyq Lýka Moreskodan jeńildim.
Odan basym túsetin múmkindik bar edi. Alaıda, taktıkalyq turǵydan qatelik ketti. Degenmen, munyń bári men úshin úlken sabaq. Aldaǵy jarystardy upaı jınaýdy odan ári jalǵastyramyn, - deıdi Dıdar.
Eske sala keteıik, Dıdar Ámiráli 2018 jylǵy Azııa oıyndarynyń kúmis júldegeri.
Parıjdegi Premer-lıga týrnırine Qazaqstan sportshylary úsh qola medalǵa ıe boldy.