Almaty oblysynyń Balqash aýdanyndaǵy Aqdala aýylynda kúrdeli jóndeýden ótken Mádenıet úıiniń ashylýy ótti.
Aýdan ortalyǵy Baqanastan 3 shaqyrym qashyqtyqta ornalasqan bul aýylda qyzý tirliktiń kórigi sýyǵan emes. Mal basyn kóbeıtip, egin alqabyn arttyryp jatqan el. Aýylda jastar da bir qaýym. Olardyń deni osyndaǵy «О́ges-Aqdala» fermerlik sharýashylyǵynda eńbek etedi. Árıne, aýylda jastardyń bos ýaqytyn tıimdi ótkizýine jaǵdaı joq edi. Mádenıet úıiniń uzaq jyl jóndeý kórmeı tozyp ketýi rýhanı, aǵartý sharalaryn turaqty ótkizýge kedergi bolatyn. Al byltyr oblys bıýdjetinen qarjy bólinip, ǵımarat kúrdeli jóndeý jumystaryna jabylǵanda jurttan buryn jastar qýandy.
Jaqynda Aqdala aýylyndaǵy Mádenıet úıiniń kúrdeli jóndeýi tolyq aıaqtalyp, paıdalanýǵa berildi. Endi zamanǵa saı jabdyqtalǵan rýhanııat oshaǵynda aýyl jastarynyń kóńilinen shyǵatyn túrli shara ótkizýge múmkindik týdy.
- Aýyl ajaryn kóriktendire túsken Mádenıet úıiniń kúrdeli jóndeý jumystary aıaqtalyp, halyq ıgiligine paıdalanýǵa berildi. Kúrdeli jóndeý jumystaryn jedel júrgizip, merziminen buryn aıaqtaǵan «Senim Qurylys Servıs» seritestigine rahmet aıtamyz. Endi munda kórkemónerpazdardyń óneri óristep, jastardyń jaqsy bastamalaryna qoldaý jasalady, - deıdi Balqash aýdanynyń ákimi Ǵalym Toqpeıisov.
Qalmahanbet MUQAMETQALI,
«Egemen Qazaqstan»
Almaty oblysy