Úkimettiń keńeıtilgen quramdaǵy otyrysynda Ulttyq bank tóraǵasy Danııar Aqyshev Ulttyq bank Qazaqstan azamattary otandyq kólik satyp alatyndaı jedel túrde baǵdarlama ázirlep, nesıe berýge daıyn ekenin málimdedi.
«О́tken jyly «7-20-25» baǵdarlamasyn iske qosqan edik. Endigi kezekte nesıe berý aýqymyn keńeıtýdi josparlap otyrmyz. 2019 jyly Ulttyq bank Qazaqstan azamattary otandyq kólikti satyp ala alatyndaı jedel túrde baǵdarlama ázirlep, nesıe berýge daıyn otyr. Baǵdarlama naryqtyń qaǵıdattaryna saı túziledi. Bankter arqyly «7-20-25» baǵdarlamasynyń úlgisine súıene otyryp jumys júrgizý josparlanýda», - dedi Danııar Aqyshev.
Onyń aıtýynsha, kólik qurastyrý salasy qurylys salasy sekildi joǵary tehnologııalyq, ekonomıkaǵa mýltıplıkatıvtik qaıtarymy bar, kapıtaly aýqymdy sala.
Aıta ketý kerek, búgin Elbasynyń qatysýymen Úkimettiń keńeıtilgen otyrysy ótip jatyr.