О́skemende aıaqtalǵan el birinshiliginiń qorytyndysy boıynsha bıyl kóktemde Katardyń astanasy – Dohada ótetin Azııa chempıonatyna qatysatyn jeńil atletter iriktelindi.
Jańa ǵasyr tabaldyryqtan attaǵan kezden bergi nátıjelerge zer salsaq, Qazaqstan quramasy sary qurlyqtyń basty dodasynyń jalpy komandalyq esebinde nebary eki ret úzdik úshtiktiń qataryna kóringen eken. 2002 jyly Shrı-Lankada 6 altyn, 2 kúmis jáne 4 qola medaldi enshilesek, 2017 jyly Úndistanda 4 altyn, 2 kúmis jáne 2 qola júldeni qorjynǵa saldyq. Sońǵy jarysta otandastarymyz Úndistan (12+5+12) men Qytaıdan (8+9+4) ǵana qalyp qoıdyq. Úndi elinde bizdiń jeńil atletter arasynan 100 jáne 200 metrge júgirgen jelaıaq Vıktorııa Zıabkına aldyna jan salmasa, úsh qarǵyp sekirýde Marııa Ovchınıkova ozdy. Sondaı-aq, taǵy bir bas júldeni 4H100 metrlik estafetalyq saıysta oljaladyq.
Dohadaǵy dodada jerlesterimiz úzdik úshtiktiń qatarynan kórinýdi kózdeýde. Osy jarysta basty úmit Olga Rypakova men Irına Ektova (úsh qarǵyp sekirý), Olga Safronova (100 jáne 200 metrge júgirý), Margarıta Muqasheva (800 metrge júgirý) jáne Elına Mıhına (400 metrge júgirý) syndy sportshylarǵa artylýda.
Ǵalym SÚLEIMEN
«Egemen Qazaqstan»