Shymkentte qoǵamdyq kólikterdiń qaıda kele jatqanyn kórsetetin «ShymQala» qosymshasy iske qosyldy.
Qazirge mobıldi qosymsha qalaishilik №141, 147, 147A, 148A, 148B, 102ShA, 109ShA, 118ShA, 26 baǵyttaryna pılottyq rejımde engizilgen. Aldaǵy ýaqytta smart qosymsha oń jemisin berip jatsa shahardaǵy barlyq avtobýs baǵyttaryna ornatylmaq.
«Júktelgen qosymshada avtobýstar belgilengen karta bolady. Onda qoldanýshy ózine qajetti bolǵan baǵytty tańdaý arqyly avtobýstyń qaı jerde kele jatqanyn da bile alady. Bul óz kezeginde turǵyndardyń aıaldamada uzaq ýaqyt turyp qalý máselesin jeńildetedi», deıdi qalalyq jolaýshylar kóligi jáne avtomobıl joldary basqarmasynyń ókilderi.
Atalǵan qosymshany smartfon ıeleri Play Market nemese Arr Store dúkenderinen júktep ala alady. Android qurylǵylary úshin bul ázirge synaq nusqasy, aldaǵy ýaqytta fýnksııasy jańartylyp, paıdalanýshylarǵa yńǵaıly etip jasalmaq. Sondaı-aq Ios (IPHONE, IPAD, IMAC) júıesi úshin de jańa nusqa ázirlenedi.