Mańǵystaý oblysy bilim basqarmasy basshysynyń mindetin atqarýshy Asqar Seıdalıevtiń aıtýy boıynsha, 2019 jyly 2862 oryndyq 30 mektepke deıingi uıym ashylady dep josparlanǵan.
Onyń ishinde 2582 oryndyq 29 jekemenshik mektepke deıingi uıym jáne Aqtaý qalasynan MJÁ tetigi arqyly 280 oryndyq №52 balabaqsha ashylady dep kútilýde.
-Jyl sońynda 3-6 jas aralyǵyndaǵy balalardyń mektepke deıingi tárbıemen qamtylý úlesin 100 %-ǵa jetkizý josparlanýda, dedi A.Seıdalıev.
Oblys boıynsha barlyǵy – 18759 muǵalim bar. 2018jyl boıynsha 29 jasqa deıingi jastar – 5867 (úlesi -31%). Sondaı-aq, «Dıplommen aýylǵa» memlekettik baǵdarlamasynyń jobasy sheńberinde 2015–2018 jyldary aýyldyq eldi mekenderge 3268 maman kelip (2015j. – 785, 2016j. – 668, 2017j. – 840, 2018j. -975), sonyń ishinde 998 adam bir jolǵy járdemaqy, 321 adam turǵyn úı kredıtterin alǵandyǵyn habarlaıdy.
Búgingi tańda shamamen 1800 muǵalimniń keminde mindetti 3 jylyn ótegendikterine qaramastan, aýyldyq jerdegi bilim berý uıymdarynda jumystaryn jalǵastyrýda. Sonymen qatar, «Dıplommen aýylǵa» memlekettik baǵdarlamasynyń jobasy jas mamandardyń aýyldyq eldi mekenderde jumysqa ornalasýyna oń septigin tıgizetindigin aıtty.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy