«О́negeli ómir órnekteri» kitabynyń avtory Semeıdegi «Aqyldastar» aýyl ardagerleri qoǵamdyq birlestiginiń tóraǵasy Saǵyndyq Beısenbaev. Abaıdyń «Jıdebaı-Bórili» memlekettik qoryq-mýzeıinde ótken tusaýkeser jıyndy mýzeı qyzmetkeri Nazerke Ashatova alǵy sózben ashyp, ardager-aqsaqal Saǵyndyq Bekqalıulynyń ómir jolyna toqtalyp ótti.
Jıynǵa zııaly qaýym ókilderi, eńbek ardagerleri, ǵylymı qyzmetkerler, jastar qatysty. Shejireshi, etnograf Moldabek Janbolatuly, Káribaı Sultanov, Sovet Toǵyzbaev, Nurjamal Bımýrzaeva syndy eńbek ardagerleri, qurmetti azamattar jyly lebiz, pikirlerin bildirdi..
-«Aqyldastar» qoǵamdyq birlestigi el Táýelsizdigin alǵan uzaq jyldardan beri Abaı mýzeıimen tyǵyz qarym-qatynas jasap keledi,-dedi Abaıdyń memlekettik qoryq-mýzeıi dırektorynyń ǵylymı ister jónindegi orynbasary Meıramgúl Qaırambaeva,-qoǵam músheleri ǵylymı konferensııa, kezdesýlerge turaqty túrde qatysady. Mýzeıge arnaıy ekskýrsııalar da uıymdastyryp, aqsaqaldar men qatar jastardyń da dúnıetanymyn baıytýda. Saǵyndyq Bekqalıulynyń osy kitaby oqyrmandy rýhanı baıytatyn birden-bir tamasha shyǵarma. Aýyldaǵy eńbek adamdarynyń tynys-tirshiligin keńinen sýrettegen.
Qoǵamdyq birlestiktiń tóraǵasy Saǵyndyq Beısenbaev oqyrmanǵa jol tartqan «О́negeli ómir órnekteri» atty jańa týyndysynda oblysymyzdyń abyz aqsaqaldarynyń ónegeli ómir joldary keńinen sýretteledi. Avtor qolyndaǵy materıaldaryn bir júıege túsirip, ár bólimdi basty arnaǵa toǵystyra bilgen.
Raýshan QABJANQYZY,
«Egemen QAZAQSTAN»
Semeı