«Qorǵas» shekaralyq baqylaý otrıadynyń aýmaǵyndaǵy halyqaralyq shekara boıy yntymaqtastyǵy ortalyǵynda 2 sentnerden astam ıesiz dári-dármek tabyldy. Bul týraly UQK ShQ baspasóz qyzmeti habarlady.
«Shekarashylar Qazaqstanǵa kire beris zaldan jalpy salmaǵy 209 kg ıesiz júk taýyp aldy. Ruqsat qaǵazdary joq júk túgelimen Qytaıda shyǵarylǵan dári-dármek eken. Taýar ıesi, jaqyndap kele jatqan shekarashylardy kórgen kezde júgin tastaı salyp, taıyp otyrsa kerek. Tabylǵan dári-dármek aktilenip, «Altynkól» keden beketine tapsyryldy», delingen habarlamada.