Germanııanyń Drezden qalasynda short-trekten álem kýboginiń besinshi kezeńi aıaqtaldy. Qazaqstan sapynan eń úzdik nátıjeni qyzdar komandasy tirkedi dep habarlaıdy Olympic.kz
Bizdiń sportshylar 3000 metrge sozylǵan estafetada besinshi oryn ıelendi. V fınalynda top jarǵan komanda kórsetkishi jalpy esepte úzdik bestikke ený úshin jetkilikti boldy.
Estafetada el namysyn Anastasııa Krestova, Álııa Kım, Ásel Taıshymanova jáne Olga Tıhonova qorǵaǵan bolatyn.
Erler arasyndaǵy synda Denıs Nıkısha, Nurbergen Jumaǵazıev, Ádil Ǵalıahmetov jáne Mersaıd Jaqsybaev jetinshi orynnan kórindi.
Aralas estafetadaǵy Qazaqstan sportshylarynyń kórsetkishi – altynshy oryn.
Jekeleı synda bizdiń sportshylar fınalǵa ótken joq. Al qurama úzdigi Abzal Ájiǵalıev jaraqatyna baılanysty jarystan syrt qaldy. Álem kýboginiń sońǵy kezeńi 8 aqpan kúni Týrınde bastalady.