Semeı qalasynda mektep oqýshysy grant utyp alyp, jıhaz túrlerin shyǵaryp jatyr. Bul týraly Bilim jáne ǵylym mınıstrliginiń baspasóz qyzmeti habarlady.
Mınıstrlik ókilderi habarlaǵandaı, Qazaq gýmanıtarlyq-zańgerlik ınnovasııalyq ýnıversıtet Semeı qalasynyń oqýshylary arasynda kásipkerlik salany órkendetý úshin dástúrli túrde «Startup Battle» baıqaýyn ótkizip keledi. Osy baıqaý jeńimpazdarynyń biri, №30 orta mektepte 11-synypta oqıtyn Nadır Sábıtov grant utyp alyp, qańqasyz jıhaz óndirý boıynsha óz bıznesin ashqan. Jas kásipker Qazaq gýmanıtarlyq-zańgerlik ınnovasııalyq ýnıversıteti bıznes-ınkýbatoryndaǵy «Fox» oqytý ortalyǵyndaǵy semınarlardan qalmaı, marketıng, satý jáne dızaın salasyndaǵy bilimin shyńdaǵan.
«Semeı naryǵyn jaýlaýǵa osy bilimim kóp kómektesti. Qazir basqa jaqtan resýrs tarta otyryp, jyldam ósim úshin ınvestısııalyq model quryp jatyrmyz» deıdi Nadır Sábıtov.
Onyń dúkeni shyǵaratyn túkti qaptarǵa suranys joǵary. Qazir jas kásipkerdiń qaramaǵynda eki tiginshi jáne bir assıstent jumys isteıdi. Nadırdiń aıtýynsha, kóp uzamaı jıhazdardy О́skemen men Pavlodar turǵyndaryna satý kózdelip otyr. Sodan keıin, tipti, Qazaqstan naryǵynan asyp, TMD elderine kirýdi josparlap otyr.