«Batys Qazaqstan oblysynyń Syrym aýdanynda búıirinde «Alla» degen jazýy bar qozy týdy» dep habarlaıdy sol aýdandaǵy áriptesimiz Baýyrjan Shırmedınuly.
Qazir aýyldaǵy aǵaıynnyń qorasynda erte saýlyqtar tóldeı bastady. Syrym aýdanyndaǵy Bulan aýyldyq okrýgine qarasty Jambyl aýylynda 28 qańtar kúni qozdaǵan saýlyqtardyń biriniń tóli erekshe ekenin mal ıesi Medet Sanaquly baıqapty.
- Tóldi jyly jerge bólip júrip qozynyń búıirine kózim tústi. Arab jazýyn shyramyttym. Ýnıversıtette oqyp júrgende arab áripterin úırenip edim. Anyǵyn bilmek bolyp, qozynyń sýretin dostaryma jiberdim. – deıdi Medet Sadyqov.
Áleýmettik jeli arqyly taraǵan sýretti kórgen almatylyq din qyzmetkeri, buryn Syrym aýdandyq meshittiń ımamy bolǵan Baqytjan Quralbaıuly qozynyń búıirindegi tańba «Alla» degen jazýǵa uqsaıtynyn, al Saryaǵash medresesiniń ustazy Orazbek Jambyluly jazýdyń arab jazýymen 80 paıyzǵa sáıkesetinin aıtqan.
- Osyndaı mysaldar arqyly Alla óziniń bar ekenin esimizge salýda, – dep sanaıdy Syrym aýdandyq meshitiniń naıb ımamy Jasqanat Ersaıynov. Ol oqıǵa bolǵan Jambyl aýylyna baryp, nysanaly qozyny kózimen kórip qaıtqan eken.
Sýretti túsirgen Baýyrjan ShIRMEDINULY
Qazbek QUTTYMURATULY,
«Egemen Qazaqstan»
Batys Qazaqstan