Túrkııanyń Ystanbul qalasynda segiz qabatty turǵyn úı qulady. Bul týraly CNN Turk telearnasy habarlady.
Telearna málimetinshe, apat saldarynan eki adam qaza taýyp, jeti adam jaraqattanǵan.
Ystanbul qalasynyń ákimi Álı Erlikaıdyń aıtýynsha, 14 páterlik turǵyn úı 43 adamǵa pana bolypty. Sársenbi tústen keıin oryn alǵan apattyń sebepteri áli de belgisiz.
Ákimshiliktiń habarlaýynsha, turǵyn úıdiń joǵarǵy úsh qabaty zańsyz salynǵan.
Oqıǵa kezinde ǵımarattyń astyńǵy qabatyndaǵy toqyma sehynda adam bolmaǵan. Bul týraly jergilikti sheneýnik Zekı Dag aıtty.
Telearna aqparatyna sáıkes, ǵımarat jergilikti saǵat 16:00-de qulaǵan. Apat ornyna órt sóndirýshiler, jedel járdem, polısııa qyzmetkerleri jumyldyrylǵan.