Baıanaýyl aýdanynyń Uzynbulaq aýylynda tilsiz jaý bútin bir otbasynyń ómirin qıyp ketti, dep habarlaıdy pavlodarnews.kz.
Bul týraly oblystyq TJD baspasóz qyzmeti málim etti.
«Ysty gazdan ýlaný saldarynan Bekbatyrovtar otbasynan tórt adam - ata-anasy men 4 jáne 7 synyptarda oqıtyn eki bala qaza tapty», - deıdi departamentte.
Aldyn ala boljam boıynsha, ótken túni peshten aqaý shyqqan. Kúni boıy otbasynan eshqaısysy baılanysqa shyqpaǵan soń saǵat 21.00-de týystarynyń biri Bekbatyrovtardyń úıine barǵanda esik ishinen jabyq turǵan. Ony buzyp kirgen er adam otbasy múshelerin óli kúıinde tapqan.