Jelide Dımash Qudaıbergenniń amerıkalyq The World's Best atty talanttar shoýynda óner kórsetken beınematerıaly jarııalandy.
Baıqaýda Dımash Qytaıdaǵy I'm A Singer shoýynda aıtqan S.O.S d'un terrien en détresse kompozısııasyn oryndady.
Sarapshylar Dımash Qudaıbergenniń óner kórsetkenin tik turyp tamashalap, qoshemet kórsetken.
«Kózimdi jumyp turǵanda, onda 8-10 adam án aıtyp jatyr dep oılar edim. Bir adamnyń ózi muny qalaı oryndap shyqty», - deıdi aktrısa Drıý Berrımor. «Bul sheberlik pen tabıǵı daryn. Sen The World's Best shoýynyń qurylýyna sebepshisiń», - dedi akter Rý Pol Andre Charlz.
Munyń aldynda Dımash Qudaıbergen bul ol qatysatyn sońǵy baıqaý ekenin aıtqan edi.
Aıta keteıik, bul baıqaýǵa qazaqstandyq ánshi qyz Danelııa Tóleshova da qatysty. Shoýdyń basty jeńimpazy bir mıllıon dollar alady.