Shal aqyn aýdanynyń bilim oshaqtary kómirdi sabanmen almastyrýǵa birtindep kóshe bastady.
Qazir bıootynmen jaǵylatyn 10 qazandyq jumys isteıdi. Olardyń 4-ýi aýdandyq bıýdjetten bólingen qarajatqa ornatylsa, qalǵany jergilikti agroqurylymnyń demeýshiligimen ornatylǵan. Sóıtip bir jylytý maýsymynda 50 prosent únemdilikke qol jetip otyr.
Aıazdy kúnderi Eńbek Eri Esim Shaıkın atyndaǵy orta mektep salqyndap ketetin. Qazir bólmeler jyp-jyly. Juqa jeıdemen de júre berýge bolady. О́ıtkeni, qazandyq bıootyn arqyly jaǵylady. Mektep dırektory Álııa Ámirenovanyń aıtýynsha, qazandyqty “Ábı-jer” kompanııasy tegin qoıyp beripti. Qyzmet kórsetetin de, otynmen qamtamasyz etetin de–seriktestik . Jylyna keminde 400 myń tonna kómir alynyp kelse, endi ekologııaǵa keltiriletin zııan mólsheri de, shyǵyn da azaıǵan.
Ozyq tehnologııaǵa negizdelgen jańa qazandyqtardyń artyqshylyqtary kóp. Qondyrǵy zyǵyr sabany jáne qaıyń aǵashymen tutanyp, úshqabatty ǵımaratty esh qıyndyqsyz jylytady. “Ábı-jer” seriktestigine mektep aı saıyn arnaıy tarıf boıynsha jylý úshin ǵana tólem jasaıdy.
«Jylýdyń 1 gıgakalorııasy úshin shamamen 6 myń teńge tólenedi. Jýyrda “Ábı-Jer» kompanııasy taǵy 5 qazandyq ornatyp berdi. Mundaı qazandyqtar aýyldarda da bar. Otandyq ónim Qostanaıda jasalǵandyqtan, polshalyq qondyrǵydan ájeptáýir arzan. Byltyr bul maqsat úshin jergilikti bıýdjetten 10 mıllıon teńge jumsaldy», deıdi aýdandyq bilim bóliminiń basshysy Qaırat Jangýjınov.
О́mir ESQALI,
«Egemen Qazaqstan»
Soltústik Qazaqstan oblysy