Aýǵan soǵysynyń aqıqaty

Aýǵan soǵysy 1979 jyly bas­talyp 10 jylǵa sozyldy. Aıtýǵa ońaı, surapyl zobalań, qanshama taǵdyrdy jalmady. Sıfrly derekterge salsaq, Aýǵan jerinde sol kezeńde KSRO-nyń 620 myńǵa jýyq, son­yń ishinde qazaqstandyq 22 myń adam áskerı qyzmetterin ótedi. 15 526 adam, sonyń ishinde – 925 qazaqstandyq alǵan jaraqat­ta­rymen aýrýlary­nan qaıtys boldy. 333 adam (KSRO Qorǵanys mınıstrligi Bas Shtaby­nyń derekteri boıynsha) qazaqstandyq 21 adam habar-oshar­syz joǵaldy jáne tutqynǵa tústi.

Aýǵanstan soǵysy Keńes Oda­ǵyna eshbir ar-abyroı, dańq ákelgen joq. Qurban bolǵandardyń týystary men jaqyndary úshin bul qasiretti soǵys 1989 jyly aqpandaǵy áskerlerdiń shyǵarylýymen de aıaqtalǵan joq. Ol tipti ýaqyttyń ózi de emdeýge dármensiz qansy­ra­ǵan jara bolyp qalyp otyr. Osy qantógisti oqıǵanyń tájirı­be­si ár memleket pen halyq ózde­riniń ishki isterin óz ha­lyq­­tarynyń paıdasy men ıgi­lik­teri úshin derbes túrde sheshýge úndegen qaıtalanbas sabaq boldy. Shaıqas shebinde so­ǵys­ty tutandyrýshylar emes, maıdandaǵy jaýyngerler qaza boldy.

Kórmeniń maqsaty Aýǵanstan soǵy­sy týraly shyndyqty je­t­kizý, jaýyngerler men jas­tar­­dyń jarqyn urpaǵyn Aýǵan­stan­da shaıqasqan soldattar men ofıserlerdiń patrıottyq úlgisinde tárbıeleý, sondaı-aq, soǵys saıası problemalardy sheshýdiń tásili emes ekendigi týraly uǵym qalyptastyrý. Ekspozısııaǵa Aýǵanstanda shaıqasqan, qurban bolǵan jáne osy otty oqıǵadan aman qalǵan jerles jaýyngerler men ofıserlerdiń derekti materıaldary (oqıǵalardyń kýáleri men qatysýshylarynyń foto­sýret­teri, hattary, kýálikteri), nagradalary men jeke zattary qoıyldy. Kórmege kelýshilerdi, ásirese Keńes jaýyngerleri men ofıserleriniń, sondaı-aq olar­dyń qarsylastarynyń kıim-múlikteri aıryqsha qyzyqtyrary sózsiz. Aýǵan soǵysynyń túıinderi osylaı túıindele berer... 

Kórmeniń ashylýyna Aýǵan­stan Islam Respýb­lı­ka­sy­nyń Qazaqstandaǵy Bas kon­sýly mr. Shýǵnı Iаssaýı men elshiliktiń Saýda attashesi Saıd Khaılı Zıa qatysty.

Saparbaı PARMANQUL,

«Egemen Qazaqstan» 

Almaty