Qazaqstan Respýblıkasy Prezıdenti Ákimshiliginiń kelisimimen jáne Túrkistan oblysynyń ákimi Janseıit Túımebaevtyń ókimimen Túrkistan oblysy ákiminiń birinshi orynbasary bolyp Aıtmuhametov Qosman Qaıyrtaıuly taǵaıyndaldy. Bul týraly Túrkistan oblysy ákiminiń baspasóz qyzmeti habarlady.
Qosman Qaıyrtaıuly 1963 jyly 29 tamyzda Selınograd oblysy Ermentaý aýdany Bestóbe aýylynda týylǵan. Eńbek jolyn 1983 jyly Selınograd oblysy Seletın aýdany «Izobıl» sovhozy 2-bólimsheniń jumysshysy bolyp bastaǵan.
1983-2014 jyldary Selınograd oblysy Bestóbe ATK jabdyqtaý boıynsha ınjeneri, Aqmola oblystyq memlekettik poshta baılanysy qyzmeti Avtobaza baılynysynyń dırektory, poshta tasymaldaý boıynsha arnaıy avtokólik kásipornynyń bastyǵy, «Qazposhta» ashyq aksıonerlik qoǵamy «Astana poshtamt» Astana qalasy fılıalynyń bastyǵy, Astana qalasy «Gorkommýnhoz» memlekettik kommýnaldyq kásiporny bas dırektorynyń orynbasary, dırektory, «Astana Gorkommýnhoz» aksıonerlik qoǵamynyń basqarma tóraǵasy, «Kredıt Qurylys NS» jaýapkershiligi shekteýli seriktestiginiń óndiris dırektorynyń orynbasary, Aqmola oblysy ákiminiń orynbasary, birinshi orynbasary, ákimi, Qazaqstan Respýblıkasy Aýmaqtyq damý vıse – mınıstri, Ulttyq mınıstrligi qurylys, turǵyn úı-kommýnaldyq sharýashylyq komıtetiniń jáne jer resýrstary basqarmasynyń tóraǵasy bolyp qyzmet jasaǵan.
2014 jyldyń qarasha aıynan búgingi kúnge deıin Astana qalasy ákiminiń orynbasary laýazymynda qyzmet atqaryp keldi.