Pavlodardan elordaǵa deıingi tórt jolaqty, 1A sanatyna jatatyn avtobannyń 191 shaqyrymy – Pavlodar oblysynyń, ózgesi Aqmola óńiriniń aýmaǵynda ornalasqan. Saǵatyna 140 shaqyrymǵa deıin júıtkitýge bolatyn jańa standarttaǵy joldyń arqasynda bas qalaǵa deıingi ýaqyt burynǵyǵa qaraǵanda qysqardy, jeńil kólikpen nebári 3-3,5 saǵatta jetip barasyz. О́kinishke qaraı, osy eki aralyqta jolaýshylarǵa qolaısyzdyq týǵyzatyn kemshilik jeterlik.
Jol qozǵalysyna qatysýshylardyń qaýipsizdigin qamtamasyz etý maqsatynda Ishki ister mınıstrligi halyqaralyq jáne respýblıkalyq mańyzy bar barlyq avtokólik jolynda qysqy kezeńge ǵana jyldamdyq rejimin tómendetý týraly sheshim qabyldaǵany málim. Onyń aıasynda Astana – Pavlodar avtojolynda jyldamdyq rejimi saǵatyna 140 shaqyrymnan 110 shaqyrymǵa deıin tómendetilip, 30 naýryzǵa deıin kúshinde saqtalyp keldi. Deı turǵanmen ózgeris kútkendegideı nátıje bermegeni baıqaldy. Kerisinshe, atalǵan jol boıynda jol-kólik apattary jıileı túsken.
– Bıylǵy qys aılarynda Astana – Pavlodar avtojolynda 11 jol-kólik oqıǵasy tirkeldi. Bul ótken jylǵy uqsas kezeńmen salystyrǵanda eki ese kóp. Avtoban aqyly. Onyń ishinde 24 shaqyrymy (230–254 shaqyrym aralyǵy) bóligi paıdalanýǵa berilmegendikten, aqy alynbaıdy. Táýligine shamamen 5 myńdaı avtokólik júrip ótedi, – dep habarlady Ishki ister mınıstrliginen.
О́ńirlik polısııa departamentiniń málimetinshe, jyl basynan beri oblys aýmaǵynda 188 jol-kólik oqıǵasy tirkelgen. Saldarynan 10 adam qaza taýyp, 283 adam jaraqat alǵan. Al ótken jyldyń dál osy kezeńinde tártip saqshylary 234 apatty tirkepti (13 adam opat bolyp, 323 adam zardap shekken). Jol-kólik oqıǵalary 20 paıyzǵa azaıǵanymen, bul sanatqa Astana baǵytyndaǵy úlken joldyń túk qatysy joq.
Bıyl qysta Astana – Pavlodar avtojolynda jyldamdyq rejimi saǵatyna 140 shaqyrymnan 110 shaqyrymǵa deıin shektelgen edi. Alaıda resmı statıstıkadan bul shekteýdiń jol-kólik apattaryn azaıtýǵa eshbir áser etpegenin ańǵarý qıyn emes. Búginde jeńil kólikter bul jolda bir aralyqqa – 879 teńge, júk kólikteri salmaǵyna, al avtobýstar oryn sanyna baılanysty 3 655 teńgeden 18 156 teńgege deıin tóleıdi. Degenmen aqyly joldyń jaǵdaıy kóńil kónshitpeı tur.
Eń áýeli beton joldyń Pavlodar oblysy aýmaǵyndaǵy sapasy nashar. Byltyr jazda ystyq aýa raıyna shydas bermeı, sementbetondy jabyn eki márte kóterilip ketti. Oqıǵa saldarynan birneshe kólik apatqa ushyrap, zaqymdandy. Betondy jol qysta óte taıǵaq. Qystyń jylymyq kúnderi jaltyraǵan muzǵa aınalyp shyǵa keledi. Eki ortada qys boıy jol jıi jabylyp, kólik qozǵalysy shektele beretini júrgizýshi qaýymnyń narazylyǵyn týdyryp otyr. Onyń ústine keıingi jyldary joldyń kóp bóliginde oıyqtar paıda bolǵan. Betondy joldaǵy shuńqyrlardy jamap-jasqaý asfaltty joldaǵydaı emes, kúrdeli ári ýaqytty kóp alady. Buǵan qosa Shiderti kenti mańyndaǵy jol bóligi Bozshakól kenishine qatynaıtyn júk kólikteriniń saldarynan tý-talaqaıy shyqqan. Bul aýmaqtan júrip ótkenińiz úshin aqy alynbaǵanymen, júrgizýshilerdi bógep, keıde oı-shuńqyry kóp jerlerde apattyq jaǵdaılar jıi týyndaıdy.
Júrgizýshiler aqyly jol tarıfiniń kóterilip ketkenine de narazy. Keıingi úsh jylda tarıf shamamen eki esege jýyq artqan. Alaıda jol aqysy óskenimen, jolǵa qyzmet kórsetý sapasy aqsap tur. Qysta qar ýaqtyly tazalanbaıdy, jazda oı-shuńqyrlar tegistelmeıdi.
Kópshilik aqyly jolmen júrýdiń tártibine jıi shuqshıyp, kináni júrgizýshilerden izdeýge daıyn turatyn Ishki ister mınıstrliginiń ótken qystaǵy sheshimi kóńilge qonymdy bolmaǵanyn aıtady. Ár baǵytta eki jolaǵy bar avtobanda jeńil kólikterdi baıaýlatyp qoıý oıǵa syımaıdy. Onyń ústine kólik quraldarynyń ortasha jyldamdyq rejimin baqylaıtyn tutas beınekameralar júıesi jumys isteıdi. Sondyqtan eń áýeli joldaǵy qaýipsizdik máselesin sheshý, ıaǵnı jol jabynynyń sapasyn arttyrý, jol boıyndaǵy servıstik qyzmetterdi kóbeıtý qajet.
Memleket basshysy Qasym-Jomart Toqaev: «Joldyń sapasyna aıryqsha nazar aýdarý kerek. Elimizdiń joldary nashar ekeni jáne jol qurylysy salasyn jemqorlyq jaılaǵany eshkimge jasyryn emes», degen edi bir sózinde. Prezıdent tenderdi jyl saıyn bir-eki kompanııa ǵana utyp alatyny, joldardy jóndeý jumystarynyń óte baıaý júretini, jol jóndeýge bólinetin qarajattyń kóp bóligine memlekettik satyp alý qorytyndysy jasalmaǵany úlken problema ekenin atap kórsetken.
Bul máseleni tarqatý úshin jolǵa jaýapty «QazAvtoJol» kompanııasynyń basshylyǵy asa baıypty ári sheshimdi ister atqarady dep senemiz. Sapa jaqsarsa, aqyly joldaǵy qaýip-qater azaıyp, kólik aǵyny molaıa túsetini anyq.
Pavlodar oblysy