Kaztalov, Jánibek jáne Bókeı ordasy aýdandaryndaǵy kúrejoldarǵa shyǵatyn kireberis joldardy jóndeýdi respýblıkalyq bıýdjet esebinen qarjylandyrýdy surap depýtat Erbolat Muqaev Premer-Mınıstr B. Saǵyntaevtyń atyna depýtattyq saýal joldady.
«Bizdiń osy depýtattyq saýalymyzǵa negiz bolǵan másele óńirde bolyp, turǵyndarmen bolǵan kezdesýlerde únemi aıtylyp, jazylyp júrgen oblys aýmaǵyndaǵy jol máselesi.Oblystyq jáne aýdandyq mańyzy bar joldardyń jaqsy jáne qanaǵattanarlyq jaǵdaıy 28,7% quraıdy. Bul respýblıka boıynsha eń tómengi kórsetkish» delingen depýtat saýalynda.
Sonymen qatar Erbolat Muqaev búgingi kúni Batys Qazaqstan oblysynyń 12 aýdanynyń 3 aýdany oblys ortalyǵymen asfaltbetondy qatty jolmen múldem qamtylmaǵan (Olar Kaztalov, Jánibek jáne Bókeı ordasy aýdandary) atyp kórsetti.
«2018 jyldyń mamyr aıynda Elbasy jumys saparymen BQO barǵan saparynda Qaztalov, Jánibek jáne Bókeı ordasy aýdandarynyń ortalyqtaryn oblys ortalyǵymen baılanystyrý úshin uzyndyǵy 245 km quraıtyn «Kaztalov-Jánibek-RF shekarasy» jáne «О́nege-Bısen-Saıqyn» avtojoldaryn asfaltbetondy jolmen 2019-2020 jyldar aralyǵynda qamtý qajettiligi týraly qatań tapsyrma bergen bolatyn. Osyǵan baılanysty jobany iske asyrý úshin 2019 jylǵa 3,7 mlrd teńge mólsherinde qarajat qarastyryldy. О́zińizge belgili Elbasy Úkimettiń keńeıtilgen otyrysynda kóptegen joldardyń iske qosylǵanyn aıta kele, halyq óz aýylyna deıingi joldyń jasalǵanyn kórmeıinshe ol respýblıka kólemindegi jasalǵan joldardy sezinbeıtinin basa aıtqan bolatyn», dedi ol.
Osyǵan baılanysty depýtat atalǵan úsh aýdanǵa baratyn negizgi joldardyń boıynda ornalasqan eldi mekenderdiń kireberis joldarynda qatty asfaltbetondy jabyndymen tósep kúrdeli jóndeý júrgizýdi surady.
«Kúrejoldyń boıynda atalǵan úsh aýdannyń 20 shaqty eldi mekenderi ornalasqan. Olardyń joldan ara-qashyqtyqtary 4-ten 20 km-ǵa deıingi aralyqty quraıdy. Osy kóterilgen máseleniń kezek kúttirmeıtin ózektiligine baılanysty, joǵaryda kórsetilgen málimetterdi negizge ala otyryp, kúre joldarǵa shyǵatyn kireberis joldardy jóndeýdi respýblıkalyq bıýdjet esebinen qarjylandyrylýyna О́z tarapyńyzdan yqpal jasaýyńyzdy suraımyz», delingen B. Saǵyntaevtyń atyna joldaǵan depýtattyq saýalynda.