«Azamattarǵa arnalǵan úkimet» memlekettik korporasııasy halyqtyń sıfrlyq saýatyn arttyrý boıynsha jumystaryn jalǵastyrýda. Búginde azamattarǵa elektrondy úkimet portaly arqyly memlekettik qyzmetterdi alýdy oqytatyn sıfrlyq HQO elimizdiń barlyq oblysynda ashylǵan. Buǵan qosa halyqqa qyzmet kórsetý ortalyqtarynda smartfon arqyly memlekettik qyzmetterdi alýdy úıretetin aımaqtar ashylyp jatyr. Bul týraly «Azamattarǵa arnalǵan úkimet» KEAQ baspasóz qyzmeti habarlady.
HQO mamandary qyzmet alýshylardyń telefondaryna telegram men Mgov qosymshalaryn ornatyp berýge kómektesip, túrli anyqtamalar men qyzmetterdi alý retin túsindirip berýde.
Búginde Telegram qosymshasyndaǵy Egovkzbot arqyly 24 qyzmet qoljetimdi. Júıe iske qosylǵan segiz aıdyń ishinde 140 myń adam ony qoldanyp úlgerip, 160 myń ret túrli anyqtamaǵa ótinish bergen. Messendjer qoldanýshylary 60 myń ret mekenjaı, 20 myń ret sottylyqtyń bolý/bolmaýy týraly anyqtamalardy suratqan. О́z kezginde, Mgov qosymshasy arqyly 90 memlekettik qyzmetti onlaın tártipte alýǵa bolady. Smartfon ıeleri bul qosymshany byltyr 1,3 mln ret júktep, 3,6 mln qyzmet alǵan.
«Onlaın bolý – zaman talaby. Qaltańyzdaǵy smartfon halyqqa qyzmet kórsetý ortalyqtaryna barmaı-aq, suranysqa ıe memlekettik qyzmetterdi jyldam alýǵa kómektesedi. Kórsetiletin elektrondyq qyzmetter sanynyń artýyna baılanysty memlekettik korporasııa halyq arasynda qyzmetterdi onlaın alýdy úıretetin sharalar ótkizip, azamattardyń sıfrlyq saýattylyǵyn arttyrýda. Bul qosymshalardy paıdalaný úshin mobıldi azamattar bazasynda tirkelý mindetti. Ony HQO qyzmetkerleri júzege asyrady. Tártip boıynsha qyzmet alýshynyń jeke sáıkestendirý nómiri men uıaly telefony baılanystyrylyp, bazaǵa engizilýi tıis», – deıdi «Azamattarǵa arnalǵan úkimet» memlekettik korporasııasynyń basqarma tóraǵasy Ablaıhan Ospanov.
Aıta keteıik, osy ýaqytqa deıin elektrondy úkimet portalyn óz betinshe paıdalaný daǵdylaryn 8 mıllıon qazaqstandyq ıgergen. Oǵan qosa, memlekettik korporasııa mamandary jergilikti ákimdikterdiń 3,5 qyzmetkerine egov.kz portalyn paıdalanýdy úıretip, olar ózge 686 myń azamatty oqytqan.
Budan bólek, memlekettik korporasııa qyzmetkerleri apta saıyn emhana, áskerı bólim, joǵary oqý oryndary men ózge de mekemelerge baryp, qosymshalardy paıdalaný retin úıretip otyrady.
Búginde reestrdegi 752 memlekettik qyzmettiń 506-sy, ıaǵnı 67% elektrondyq formatta qoljetimdi. Jyl ótken saıyn elektrondyq jolmen kórsetiletin qyzmet sany ósip otyrady, 2020 jyly onyń úlesi 90% quraýy tıis. Aıta keteıik, búginde halyqtyń sıfrlyq saýattylyǵynyń deńgeıi 77% jetti. 2022 jylǵa qaraı ony 83% deıin arttyrý kózdelgen.