Qazaqstannyń tanymal kásipqoı bylǵary qolǵap sheberi, birqatar nusqalar boıynsha altyn belbeýdiń ıegeri Fırýza Sháripova atyndaǵy boks qory Astanada boks keshin ótkizýdi josparlap otyr.
Ústimizdegi jyldyń mamyr aıynda ótetin osy jarysta elimizdiń birqatar beldi sportshylary óner kórsetedi. Olardyń qatarynda Aıdar Sháribaev, Álı Baloev, Vıktor Kotochıgov, Konstantın Brýsenskıı jáne taǵy basqa sańlaqtar bar. Sondaı-aq, alys-jaqyn shet memleketterden de jýan judyryqty jigitter keledi dep kútilýde.
Biz Qazaqstanda kásipqoı boksty damytyp, daryndy jastarǵa jol ashqymyz keledi. Basty maqsatymyz – osyndaı týrnırlerdi kóbirek uıymdastyrý arqyly osy sport túriniń kókjıegin keńeıtý. Astanadaǵy jarysty úlken sport kesheninde emes, shaǵyn ǵana otelderde ótkizýdiń esh ábestigi joq. Bul – álemdik tájirıbede bar úrdis. Kezinde Gennadıı Golovkın, Denıs Lebedev syndy sańlaqtar bastaǵan ataqty boksshylardyń deni dál osyndaı shaǵyn otelder men kazınolardan judyryqtasqan, – deıdi Fırýza Sháripova.
Ǵalym SÚLEIMEN,
«Egemen Qazaqstan»