Tennısten erler arasyndaǵy elimizdiń birinshi raketkasy Mıhaıl Kýkýshkın Fransııanyń Marsel qalasynda ótip jatqan júlde qory 744 010 evrony quraǵan týrnırde sátti óner kórsetýde.
Tusaýkeser kezdesýinde ol Ýkraınadan AQSh-qa qonys aýdarǵan álemniń 61 raketkasy Denıs Kýdlany qapy qaldyrǵan bolatyn. Kelesi kezeńde jerlesimizdiń joly ATR reıtınginde 25 orynda turǵan Denıs Shapavalovpen qıysty. Ol Izraılde týyp-óskenimen, qazirgi kezde Kanadanyń namysyn qorǵaýda. Bul básekede de Mıhaıl Kýkýshkınniń asyǵy alshysynan tústi. Esep – 6:4, 7:6. Endi bizdiń óren shırek fınalda ıtalııalyq Matteo Berretınnı men reseılik Andreı Rýblev arasyndaǵy básekeniń jeńimpazymen kúsh synasady.
Ǵalym SÚLEIMEN,
«Egemen Qazaqstan»