Atyraý oblysynda kópbalaly otbasylar úıine ıisti gazdy anyqtaıtyn 300 detektorlar tegin ornatylady. Bul jumystar tabıǵı nemese kómirqyshqyl gazynan bolatyn apattardyń aldyn alý úshin jasalady. Bul týraly Atyraý oblysynyń tótenshe jaǵdaılar departamenti basshysynyń orynbasary Rashıd Blıalov О́KQ-de ótken brıfınkte málimdedi.
Spıkerdiń aıtýynsha, 2018-2019 jyldardaǵy jylý berý kezeńinde kómirtegi totyǵy men tabıǵı gazdan ýlanýynyń 2 oqıǵasy tirkeldi, nátıjesinde 1 adam qaıtys bolyp, ekeýi jaraqat aldy. Bul jaǵdaı kárizdiń bitelýinen týyndaǵan.
«Apattardyń aldyn alý úshin qala ákimdigi kómirtegi totyǵy detektorlaryn qurý úshin qarajat bóledi. Iаǵnı, mundaı detektor ornatqan úılerde adamdar kómirtegi totyǵy nemese tabıǵı gazdyń ýlanýynan ólmeıdi. Apat bolǵan jaǵdaıda qurylǵy gazdy birden toqtatady. Ornatý kelesi aptada bastalady», - dedi Atyraý oblysynyń Tótenshe jaǵdaılar departamenti basshysy orynbasary Rashıd Blıalov.
Aıta keteıik, 16 aqpanda munaıly óńirde turǵyn úı sektoryndaǵy órtke qarsy jáne aldyn alý jumystaryn uıymdastyrý jónindegi jedel shtab quryldy.
Sońǵy eki aptanyń ishinde tótenshe jaǵdaılar departamentiniń qyzmetkerleri 4 myńǵa jýyq turǵyn úıge bas suǵyp, túsindirý jumystaryn júrgizdi, peshter men elektr jabdyqtaryn paıdalaný kezinde órt qaýipsizdiginiń talapqa saı emes 68 faktisi anyqtaldy.