Igi bastamalardyń uıytqysy

Partııanyń barlyq baǵdarlamalaryn jiti kóńilmen saralap, aqyl tarazysyna salsańyz, adamdarǵa naqty qamqorlyq jasap, bolashaqqa sara jol ashýdy kózdeıdi jáne árdaıym adamgershilikke, kisilikke úndeıdi. Kókshetaý qalasyndaǵy Abaı Myrzahmetov atyndaǵy ýnıversıtettiń ja­nyndaǵy, quramynda ýnıversıtet oqy­tý­shylary, jas ǵalymdar men júz­de­gen stýdent toptasqan partııa­nyń bas­taýysh uıymy baǵaly baǵ­dar­la­ma­lardyń júzege asýyna óz úles­terin qosý­da. Osydan eki jyl buryn oblys­ta­ǵy bas­taýysh uıymdardyń arasynda ót­­ki­­zilgen baıqaýda ekinshi orynǵa ıe boldyq. 

Negizinde, partııa el senimine ábden ıe bolǵan uıym. О́ıtkeni onyń bar maq­saty − táýelsiz elimizdiń tuǵyryn bıik­tetý. Oqý orny bolǵandyqtan, jas­tar­dyń boıyna adamgershilik, kisilik uryǵyn sebý óte mańyzdy. Bizdiń bastaýysh uıymnyń hal-qaderinshe qamtyp otyrǵan sharýasynyń bir parasy osy baǵytta. Negizi partııanyń «Ardagerlerdi ardaqtaıyq», «Kedergisiz bolashaq» tárizdi baǵdarlamalary janymyzǵa tym jaqyn. Bizdiń bastaýysh uıym el ishinde partııanyń alǵa qoıyp otyr­ǵan maqsat-murattaryn jan-jaqty túsin­dirýmen qatar, naqtyly isterimen de erekshelenedi. Máselen, árbir oqý jyly qarsańynda «Mektepke jol» aksııasyna belsene qatysý ıgi dástúrge aınalǵan. 

Uly Otan soǵysynyń ardagerleri de basty nazarda. О́tken jyly ardagerlerge materıaldyq kómek kórsetildi. Jańa jyl qarsańynda Sandyqtaý aýdanyndaǵy balalar úıine baryp, taǵdyr tálkegine ushyraǵan jetkinshekterge jańa jyldyq syı-sııapat jasaldy. Kıim-keshek, oqý quraldary tárizdi zattaı kómek kórsetildi. Jeke adamdarmen qatar, oblys ortalyǵyndaǵy keıbir túıindi máselelerdi sheshýge de atsalysýdamyz.

Zastansıonnyı kentindegi sý qubyrlaryn jóndeýge qarjylaı kómek kórsettik. Osy kentte turatyn Marına Behtold esimdi zeınetkerge úsh mıllıon teńgege baspana satyp áperdik. Sondaı-aq Dına Muhamedııarova esimdi kóp balaly anaǵa bir mıllıon teńgege vagon jáne 4 tonna kómir jetkizip berip, ananyń aq alǵysyna ıe boldyq. 

Kóp balaly analarǵa qamqorlyq kór­setý – azamattyq paryz. О́ıtkeni olar elimizdiń erteńgi bolashaǵyn baptaý ús­tinde. Oqý ornynda bilim alyp jatqan stý­dentter arasyndaǵy áleýmettik-tur­mys­tyq jaǵdaıy qıyndary da esh ýa­qytta nazardan tys qalmaıdy. Olardyń da qatardan kem qalmaı, jańa zaman­nyń talabyna saı bilim alyp shyǵýy­na qamqorlyq jasaýdamyz. Osyndaı izgi isterge uıytqy bolyp otyrǵan bastaýysh uıymnyń ár isi stýdentterimizge úlgi-ónege. О́negeli jastar órisin keńge jaıatynyna senimimiz de mol. 

Saǵyntaı ELÝBAEV,

partııa ardageri, Abaı Myrzahmetov atyndaǵy Kókshetaý ýnıversıtetiniń prezıdenti, Ulttyq ǵylym akademııasynyń akademıgi