О́tken jyly Abaı atyndaǵy Qazaq ulttyq pedagogıkalyq ýnıversıtetiniń bastamasymen IýNESKO «EDTECH-KZ» Halyqaralyq bilim berý ortalyǵynyń qoldaýymen «Bilim berý Alıansy» Konsorsıýmy qurylǵan bolatyn. Quramyna Astana, Almaty, Shymkent qalalarynyń jáne respýblıka oblystarynyń bilim berý basqarmalary kiretin konsorsıýmnyń maqsaty – QR pedagogıkalyq joǵary oqý oryndarynda básekege qabiletti, zamanaýı qoǵam talabyna saı kadrlar daıarlaý úrdisterin úılestirý.
Abaı atyndaǵy QazUPÝ-da «Bilim Alıansy» Konsorsıýmy músheleriniń jınalysynda qazirgi bilim berý júıesindegi ózekti máseleler men pedagogıkalyq kadrlardy daıarlaý jáne kásibı biliktilikti arttyrý jaǵdaıyna qatysty máseleler talqylandy.
Abaı atyndaǵy QazUPÝ Qoǵammen baılanys bóliminiń málimetine sáıkes, atalmysh is-sharaǵa Abaı atyndaǵy QazUPÝ rektory Takır Balyqbaev, «EDTECH-KZ» halyqaralyq bilim berý ortalyǵynyń bas dırektory Ǵanı Beısembaev, Fınlıandııadan kelgen halyqaralyq sarapshylar: Shyǵys Fınlıandııa ýnıversıtetiniń Damý departamentiniń jahandyq jáne transulttyq bilim berý jónindegi úılestirýshisi, Iývıaskıýlıa ýnıversıtetiniń emerıtýs-professory Ioýnı Valııarvı, EduCluster Finland Oy ókilderi Iаakko Skantsı, Elına Harıý, Almaty jáne Ortalyq Azııadaǵy IýNESKO klasterlik bıýrosynyń bilim berý salasy boıynsha mamany Lına Benette, sondaı-aq Qazaqstan óńirleriniń jáne Astana, Almaty, Shymkent qalalarynyń bilim basqarmalarynyń basshylary, pedagogıkalyq joǵary oqý oryndarynyń rektorlary, IýNESKO «EDTECH-KZ» Halyqaralyq bilim berý ortalyǵynyń ókilderi men QazUPÝ basshylyǵy qatysty.
Elvıra Serikqyzy,
«Eqemen Qazaqstan»
ALMATY