Oblystyq óner mýzeıinde Málik Muqanov, Baýyrjan Dosjanov, Aıdar Jamhan jáne Samal Úsentaevanyń «Qazirgi zamanǵy gobelen. Qazaqstanda jasalǵan» atty shyǵarmashylyq jobalarynyń tusaýkeseri boldy.
– О́skemen qalasynda mundaı dárejedegi monýmentaldy gobelen týyndylarynyń kórmesi alǵash ret ótkizilip otyr. Bul jobanyń elimiz boıynsha Shyǵys Qazaqstan óner mýzeıinen bastalǵanyna shyn qýandyq, – deıdi mýzeı dırektory Bekaıym Uıabaeva.
Kórmede usynylǵan 30-ǵa jýyq týyndylardyń árqaısysy mán-maǵynasymen tańǵaldyrsa, alýan tústeri men reńkteri kózdiń jaýyn alady. Mysaly «Dına», «Alataý», «Besik jyry», «Qonaq», «Sardarlar», «Hanymdar» syndy týyndylary qazaq halqynyń kóshpeli tirligi men salt-dástúrinen syr shertedi.
– Biz kóbinese tarıhı-mıfologııalyq janrda jumys isteımiz. Batyrlar men palýandar, salt-dástúrler – bizdiń shyǵarmashylyǵymyzdyń negizgi ózegi. Meniń oıymsha, umyt qalǵan dástúrlerimizdi qaıta jańǵyrtýdy basty nazarda ustaýymyz kerek. Búgingi is-sharanyń maqsaty da sol, – deıdi Málik Muqanov.
Gobelenshi sheberler tek kórmelik týyndylardy dúnıege ákelip qana qoımaı, sonymen qatar Qazaqstannyń belgili nysandaryn bezendirýge, sonyń ishinde, Astana men Almatynyń ákimshilik ǵımarattarynyń ishki kórinisterin, Almaty metropolıteniniń, iri kompanııalardyń, meshitterdiń kórkemdik jumystaryna da óz úlesterin qosyp, qoltańbalaryn qaldyrǵan.
Mereı Qaınaruly
О́skemen