2019 jylǵy 16-22 aqpan aralyǵynda Aqtóbe, Qostanaı, Soltústik Qazaqstan jáne Túrkistan oblystarynyń aýdandyq aýmaqtyq ınspeksııalarynyń ósimdikter karantıni jónindegi memlekettik ınspektorlary Reseı Federasııasy men О́zbekstannan joǵary fıtosanıtarlyq qaýip-qateri bar ósimdik ónimderin zańsyz ákelýge 22 árekettiń jolyn kesti.
Fıtosanıtarlyq karantındik baqylaýdy júrgizý kezinde Reseı Federasııasynan fıtosanıtarlyq sertıfıkatsyz ónimdi ákelý faktileri anyqtaldy: bıdaı qaldyqtary – 3,07 tonna, bıdaı astyǵy – 40,1 tonna, aǵash materıaldary – 50 tekshe metr.
О́simdikter karantıni salasyndaǵy zańnama talaptaryna sáıkes atalǵan ónimdi Qazaqstan Respýblıkasynyń aýmaǵyna ákelýge tyıym salynǵan. Júkter Reseı Federasııasy men О́zbekstanǵa jóneltýshilerge qaıtaryldy, bul rette kináli tulǵalar ákimshilik jaýapkershilikke tartyldy.