IIDM Azamattyq avıasııa komıteti Qazaqstannyń óńirleri men kórshiles elderdiń qalalary arasyndaǵy áýe qatynasy boıynsha jolaýshylar tasymaly qoljetimdiligin qamtamasyz etý úshin belsendi jumys atqarýda. Atap aıtqanda, taǵaıyndalǵan ırandyq «Pouya Air» áýe kompanııasy QR IIDM Azamattyq avıasııa komıtetine Qazaqstan Respýblıkasynda sheteldik tasymaldaýshy akkredıtasııasynan ótýge ótinish berdi.
«Pouya Air» avıakompanııasy 2019 jyldyń kóktemgi-jazǵy navıgasııa kezeńinen bastap alǵash ret Aqtaý - Gorgan baǵytynda tikeleı halyqaralyq reısterdi oryndaýdy josparlap otyr. Reıster jıiligi aptasyna 2 ret Embraer-145 áýe kemesimen oryndalmaq. Reısterdi ashý aldaǵy ýaqytta Qazaqstan men Iran arasyndaǵy ózara saýda-ekonomıkalyq qarym-qatynasty damytýǵa múmkindik beredi. Sondaı-aq Aqtaý qalasynyń áýejaıyna kelip ketetin jolaýshylar aǵynyn arttyrady.