«Biz muǵalimderdiń jalaqysyn ósirdik, ózderiniń kásibıligin dáleldegenderge 50 paıyz, jalpy 30 paıyz ósirdik. 1 shildeden bastap bıýdjet salasyndaǵy jalaqysy eń az adamdardyń jalaqysyn 30 paıyzǵa ósirýdi tapsyramyn» dedi Memleket basshysy.
Sondaı-aq Prezıdent kópbalaly otbasylarǵa beriletin járdemaqy kólemin arttyrýdy tapsyrdy.
«Mıllıonerlerge memleketten taǵy kómek berýdiń qajeti ne? Kirisi az otbasylar arasynda 111 myń otbasy ǵana ataýly kómek alady eken. Kóp balalardyń járdemaqysyn árbir balaǵa 21 myń teńgege jetkizýdi jáne múgedek bala asyrap otyrǵan ata-analar men otbasylarǵa, asyrýshylarǵa beriletin járdemaqyny 30 paıyzǵa arttyrýdy tapsyramyn» dedi N.Nazarbaev.
Onyń aıtýynsha, búginde elimizde 4 baladan kóp balasy bar 340 myń otbasy bar. Olardy qoldaý úshin 500 mıllıard bólingen.
«Mundaı qoldaýdy alda da jalǵastyrý kerek. Tolyq emes kópbalaly otbasylardy qoldaý kerek. Jumyspen qamtý kerek. Qashyqtan jasaıtyn jumyspen bolsa da» dedi Elbasy.