Áleýmettik medısınalyq saqtandyrý qory qommersııalyq emes AQ oblystyq fılıalynyń málimetinshe, sonymen birge, qańtar aıynda memlekettik tapsyrysty alý týraly kelisimshart bekitken 30 jeke menshik klınıka da bar.
Al, oblys boıynsha medısınalyq kómek kórsetetin memlekettik emhanalar, jeke menshik klınıkalarmen bekitilgen kelisimsharttyń quny 37,6 mlrd teńgeni qurady.
Bıylǵy jyldyń basynda oblysta 90 medısına uıymy tirkelgen bolsa, onyń 39 memlekettik, 51 jeke menshik klınıkalar.
О́tken jylmen salystyrǵanda, memlekettik tapsyrysty oryndaýǵa ótinish bildirgen jeke menshik klınıkalar sany 10-ǵa artyp otyr.
Jalpy, halyqqa tegin medısınalyq kómek Úkimet qaýlysymen bekitilgen «Kepildi tegin medısınalyq kómek kólemi» tizimine sáıkes kórsetiledi.
Bul qyzmetti elimizdiń turǵyndary, oralmandar, elimizde turatyn sheteldikter jáne azamattyǵy joq adamdar ala alady. Ýaqytsha kelgen sheteldikterge shuǵyl medısınalyq kómek tegin kórsetiledi.
О́ńirde tegin kómek kórsetetin medısınalyq uıymdardy tańdaý arnaıy aımaqtyq komıssııanyń otyrysynda qaraldy.
Komıssııa quramynda «Áleýmettik medısınalyq saqtandyrý qory» qyzmetkerleri, Densaýlyq saqtaý basqarmasynyń ókilderi, Densaýlyq saqtaý qyzmetkerleriniń kásipodaǵy jáne «Emdelýshilerdiń quqyqtaryn qorǵaý boıynsha» qoǵamdyq birlestik basshylary bar.
Sondaı-aq, komıssııa jumysyna «Atameken» aımaqtyq kásipkerler palatasy qyzmetkeri de qosyldy.
Tegin medısınalyq kómek arqyly medısınalyq qyzmetterdi kórsetý úshin bıyl oblystyq bıýdjetten 37,5 mıllıon teńge bólinedi.
Al fılıal turaqty negizde kórsetiletin medısınalyq qyzmetterdiń kólemine, sapasyna monıtorıng júrgizedi.
Eger de medısınalyq kómektiń keıbir túrlerine tutyný artsa, ózge qarajat kózderinen alynyp, qaıta bóliske salynady.
Qorǵa bıyl medısınalyq qyzmetterdi satyp alýǵa ótken jylmen salystyrǵanda bıýdjetten 5 paıyzǵa artyq qarjy bólinip, ambýlatorlyq-emhanalyq kómekti damytýǵa baǵyttaldy.
Jáne de jalpy tájirıbe dárigerleriniń júktemesin tómendetip, emhanalyq jáne jedel járdem qyzmetine de, bólimshe dárigerlerine de yntalandyrý aqysyn tóleý, jalaqysy tómen qyzmetkerlerdiń aılyǵyn ósirip, onkologııalyq aýrýlardy emdeýge keshendik jospar qurý kózdelip otyr.
Farıda BYQAI,
«Egemen Qazaqstan»
PAVLODAR