1 naýryz ben 30 sáýir aralyǵynda Belgııa, Kanada, Fransııa, Marokko jáne Shveısarııa elderiniń elshilikteri birigip, #Frankofonı Naýryzy – 2019» atty mádenı is-sharalar maýsymyn uıymdastyrady, dep habarlaıdy ortcom.kz.
Osyǵan oraı, Ortalyq kommýnıkasııalar qyzmetinde frankofondy elder elshileriniń qatysýymen frankofonııa merekesine jáne #Frankofonı Naýryzy – 2019» maýsymyna arnalǵan baspasóz máslıhaty ótkizildi.
«Frankofonııa – 5 qurlyqtaǵy 80 memlekettiń, 300 mıllıonnan astam fransýz tildi adamdardyń basyn biriktiretin geo-mádenı keńistik. Jyl saıyn álem boıynsha Halyqaralyq frankofonııa kúni 20 naýryz kúni toılanady. Qazaqstandaǵy Naýryz meıramyn toılaý osy kúnge sáıkes keletindikten, atalmysh maýsymnyń #Frankofonı Naýryzy dep atalýy oryndy. Mádenı maýsym aıasynda barsha Qazaqstandyqtarǵa frankofonııa elderiniń baı mádenıetimen jáne fransýz tilimen jaqynyraq tanystyratyn qyzyqty ári jarqyn mádenı is-sharalar baǵdarlamasy usynylady», - dedi Fransııanyń Qazaqstandaǵy Tótenshe jáne О́kiletti Elshisi Fılıpp Martıne.