Bul týraly oblys ákiminiń orynbasary Marat Júndibaev «Shańǵy – densaýlyq-2019» festıvaliniń ashylý saltanatynda aıtty.
Qostanaı oblysynda shańǵy sporty jaqsy damyǵan. Jalpy, óńirde 41 shańǵy bazasy jumys isteıdi. Bıylǵy festıval ótip jatqan orynda jyl aıaǵyna deıin jańa shańǵy bazasy salynady, ol úshin qarjy da qarastyrylǵan.
«Jyl aıaǵyna qaraı shańǵy bazasynyń qurylysy bastalady, ol úshin oblys ákimdigi sheshim qabyldady. Qazir joba memlekettik saraptaýdan ótip jatyr. Keler jyly uıymdastyrylatyn shańǵy festıvali qolaıly zamanaýı shańǵy joldarynda ótedi degen úmitimiz bar, ol úshin qarjy bólindi. Jańa jabdyqtar men qolaıly jaǵdaıdyń jasalýy bizdiń óńirde shańǵy sportynyń keń qanat jaıýyna yqpal etedi» dedi Marat Qonysbaıuly.
Názıra JÁRIMBET,
«Egemen Qazaqstan»
QOSTANAI