Tuńǵysh spýtnıgin orbıtaǵa shyǵarmaq

Tuńǵysh spýtnıgin orbıtaǵa shyǵarmaq

Beısenbi, 12 sáýir 2012 7:39

Keshe «Reıter» aqparat agenttigi Soltústik Koreıa ǵaryshtyq tehnologııalar komıteti resmı ókiliniń málimdemesine súıene otyryp, KHDR-diń «Ynha-3» zymyranyna otyn quıýdy bastaǵanyn habarlady.

«Ynha-3» zymyranyn ushyrýdyń qaı kúnge belgilengeni koreıalyqtar tarapynan áli qupııa saqtalyp otyr. Ǵaryshtyq tehnologııalar komıtetiniń resmı ókili óziniń málimdemesinde «zymyranǵa otyn quıý belgilengen ýaqytta aıaqtalatynymen» shektelgen.

Beısenbi, 12 sáýir 2012 7:39

Keshe «Reıter» aqparat agenttigi Soltústik Koreıa ǵaryshtyq tehnologııalar komıteti resmı ókiliniń málimdemesine súıene otyryp, KHDR-diń «Ynha-3» zymyranyna otyn quıýdy bastaǵanyn habarlady.

«Ynha-3» zymyranyn ushyrýdyń qaı kúnge belgilengeni koreıalyqtar tarapynan áli qupııa saqtalyp otyr. Ǵaryshtyq tehnologııalar komıtetiniń resmı ókili óziniń málimdemesinde «zymyranǵa otyn quıý belgilengen ýaqytta aıaqtalatynymen» shektelgen.

Soltústik Koreıa naýryz aıynyń ortasynda ózderiniń «Ynha-3» zymyran ushyrǵyshyn ushyrýdy sáýir aıyna josparlap otyrǵanyn jarııa etken edi. Keıbir aqparat kózderi zymyran 12-16 sáýir aralyǵynda ushyrylýy múmkin ekendigin de habarlaǵan. Japonııa men Ońtústik Koreıa eger soltústikkoreıalyqtardyń zymyranynyń ushý traektorııasy ózderiniń aýmaǵy arqyly ótetin bolsa, ony atyp túsire­tin­digin málimdegen-di. Endi buǵan Reseı de qosyldy.

BAǴYTYN О́ZGERTÝGE MÁJBÚR BOLDY

Japonııa qorǵanys mınıstrligi Japon teńizin­degi «Meko» esmınesiniń ústi­nen reseılik Il-38 barlaýshy usha­ǵynyń ótkenin málimdedi. Bul jóninde «Interfaks» agenttigi habarlady. Aqparatqa qara­ǵan­da, «Meko» esmınesi Soltústik Koreıanyń «Ynha-3» zym­y­ranynyń ushyrylýyn kútip turǵan kórinedi.

Reseıdiń eki ushaǵy seısenbi kúni Honsıý aralynyń ońtústik-batysynda baıqalǵan. Qazirgi ýaqytta «Meko» esmınesi dál sol jerde qaýipsizdikti kúzetýde. Japonııa qorǵanys mınıstrligi shuǵyl túrde eki ıstrebıteldi attandyrǵan, olar Il-38 ushaǵyn shyǵaryp salǵan. NHK telekompanııasynyń habarlaýynsha, sodan keıin reseılik ushaqtar ózderiniń ushý baǵytyn Honsıý aralynyń soltústigine qaraı ózgertýge májbúr bolǵan.

PARLAMENTTIK SAILAÝ MAMYRDA О́TEDI

Sosıalıster jetekshisi Georgıos Papandreý basqaratyn Grekııa úkimeti 2011 jylǵy qarashada otstavkaǵa ketken bolatyn.  Osyǵan baılanysty elde merziminen buryn parlamenttik saılaý ótkizý týraly sheshim qabyldanǵan edi. Keshe  sonyń merzimi 6 mamyrǵa belgilendi.

Bul parlamenttik saılaý ekonomıkalyq daǵdarys qur­saýyndaǵy Grekııa úshin qıyn bolatyn sııaqty. «Reıterdiń» jazýynsha,  saılaýda daýys berýdiń nátıjesi qalaı bolatynyna saıasattanýshylardyń ózi boljam jasaı almaı otyr. О́ıtkeni, qazirgi kezde bıliktegi koalısııa quramyna kiretin PASOK jáne «Jańa demokratııa» partııalarynyń ekonomı­ka­lyq qatań sharalarǵa barýyna baılanysty halyq arasyn­daǵy bedeli tómendep ketken. Sondyqtan bul partııalar par­lamenttegi basymdyqtarynan aıyrylyp qalýy múmkin.

UShQYShSYZ APPARATTY SYNAQTAN О́TKIZDI

Grýzııanyń qorǵanys-ónerkásip kesheni ózderiniń tuńǵysh ushqyshsyz basqarylatyn ushý apparatyn jasap shyǵardy. Ony synaqtan ótkizýge el prezıdenti Mıhaıl Saakashvılı qatysty. Qor­ǵanys mınıstrliginiń habarlaýynsha, apparat sy­naq­tan tabysty ótken.

«Grýzınderde áskerı-ınjenerlik talant bar. Ame­rıkalyq eń jaqsy ushaqty Kartvelıshvılı oılap tapqan», – depti M.Saakashvılı jýrnalısterge bergen suh­batynda. Osy jyldyń 10 sáýirinde synaqtan ótkizilgen apparat shekarany kúndiz-túni baqylaýǵa, aerofoto túsirýge, sondaı-aq radıasııalyq qadaǵalaý men radıoelektrondyq barlaýǵa arnalǵan. Qazirgi kezde Grýzııanyń qarýly kúshterinde 2007 jyly Izraılden satyp alǵan ushqyshsyz bas­qarylatyn 40 apparat bar eken.

PREZIDENTTIK BÁSEKEDEN BAS TARTTY

AQSh prezıdenttigine respýblıkashylardan kandıdattyq úshin kúreske túsken ári Mıtt Romnıdiń negizgi básekelesi, burynǵy senator Rık Santorým prezıdenttik básekeni ári qaraı jalǵastyrýdan bas tartty. Bul jóninde «Reıter» agenttigi habarlady.

Rık Santorým buǵan deıin respýblıkalyq praımerızde 275 delegattyń daýysyna ıe bolyp, ekinshi oryndy alǵan edi. Al Mıtt Romnıge 650-den astam depýtat qoldaý bildirdi. Respýblıkashylardan prezıdenttikke usynylatyn kandıdat 2012 jyldyń tamazyna deıin 1144 delegattyń qoldaýyna ıe bolýy qajet. Kelesi praımerz 24 sáýirde eldiń tórt shtatynda ótedi.

ZILZALA KÚShI 8,6 BALLǴA JETTI

Keshe Indonezııanyń Sýmatra aralynyń jaǵa­laýynda kúshti jer silkinisi boldy. AQSh-tyń geologııalyq qyzmeti onyń magnıtýdalyq belgisi 8,9 ball boldy dep tirkegen. Artynsha ony 8,6 ballǵa tómendetipti.

Zilzalanyń epısentri – Band-Acheh qalasynan 308 mıl qashyqtyqta. Zilzala dúmpýi, sondaı-aq Taıland, Úndistan jáne Sıngapýr elderiniń aýmaqtarynda da sezilgen. In­donezııanyń zardap shekken aýdandarynda elektr energııa­syn berýde kidiris baıqalǵan. Zardap shekkender jáne qur­ban bolǵandar jóninde aqparat joq.

Qysqa qaıyryp aıtqanda:

* Kım Chen Yn Koreıa eńbek partııasynyń jetekshiligin qolyna aldy. Endi ol KHDR-diń barlyq bıligine ıe boldy.

* Qytaıdyń tanymal saıasatkeri Bo Sılaıdyń zaıyby Gý Kolaı brıtandyq bıznesmendi óltirýge qatysy bar degen kúdikpen qamaýǵa alyndy.

* Túrkimenstannyń barlyq salalyq mınıstrlikteri men vedomstvolary ózderiniń hokkeı komandalaryn qurady. El prezıdenti osyndaı nusqaý bergen.

* Lıvııanyń jańa bıligi ótken jyldyń kúzinde tutqynǵa  alynǵan Ýkraına azamattarynyń bir bóligin bostandyqqa shyǵardy.

Internet materıaldary negizinde ázirlendi.