Seısenbi, 19 maýsym 2012 7:48
Germanııa ishki qaýipsizdik qyzmeti 1972 jylǵy Mıýnhen olımpıadasynda jasalǵan terakt qujattaryn jarııa etti. Qujattarǵa qaraǵanda, terrorlyq áreketti palestınalyq «Qaraly qyrkúıek» tobynyń terrorshylary nemis ásireultshylynyń kómegi arqyly júzege asyrǵan.
Polısııanyń habarlaýynsha, ony «Qaraly qyrkúıek» tobynyń serkesi Abý Daýd uıymdastyrǵan. Ol nemistiń ásireultshyly Vıllı Polemen jasyryn kezdesken. Al nemis burynnan quqyq qorǵaý organdarynyń esebinde turǵan kórinedi ári Palestınany azat etý uıymy múshelerimen baılanysta bolǵan. Sol kezdegi terrorlyq áreket saldarynan Izraıldiń birneshe sportshysy mert bolǵan edi.
Seısenbi, 19 maýsym 2012 7:48
Germanııa ishki qaýipsizdik qyzmeti 1972 jylǵy Mıýnhen olımpıadasynda jasalǵan terakt qujattaryn jarııa etti. Qujattarǵa qaraǵanda, terrorlyq áreketti palestınalyq «Qaraly qyrkúıek» tobynyń terrorshylary nemis ásireultshylynyń kómegi arqyly júzege asyrǵan.
Polısııanyń habarlaýynsha, ony «Qaraly qyrkúıek» tobynyń serkesi Abý Daýd uıymdastyrǵan. Ol nemistiń ásireultshyly Vıllı Polemen jasyryn kezdesken. Al nemis burynnan quqyq qorǵaý organdarynyń esebinde turǵan kórinedi ári Palestınany azat etý uıymy múshelerimen baılanysta bolǵan. Sol kezdegi terrorlyq áreket saldarynan Izraıldiń birneshe sportshysy mert bolǵan edi.
«Musylman baýyrlar» jeńiske jettik deıdi
«Musylman baýyrlar» ıslamdyq qozǵalysynyń músheleri Egıpette prezıdent saılaýynyń ekinshi týrynda óz kandıdattarynyń jeńiske jetkenin málimdedi. Bul týraly keshe Reıter agenttigi habarlady.
Mohamed Mýrsıdiń shtaby taratqan málimetterge qaraǵanda, oǵan saılaý ýchaskelerine kelgen saılaýshylardyń 52,5 paıyzy daýys bergen. Al burynǵy Hosnı Múbárak ókimetinde premer-mınıstr laýazymynda bolǵan Ahmed Shafık 47,5 daýys alǵan. Bul málimetti «Musylman baýyrlar» qozǵalysynyń músheleri bıýlletenderdiń 98 paıyzy sanalǵan soń habarlaǵan. Prezıdenttik saılaýdyń resmı qorytyndysy qashan jarııa etiletini áli belgisiz.
Qarymta shara qoldanamyz dep qorqytty
Interfaks agenttiginiń aqparattary boıynsha, eger AQSh Kongresi «Magnıtskıı zańyn» qabyldaǵan jaǵdaıda, Reseı oǵan qarymta shara qoldanady. Muny Reseı prezıdentiniń halyqaralyq ister jónindegi kómekshisi Iýrıı Ýshakov málimdedi.
«Barlyǵymyzǵa belgili, buǵan Reseı de qarymta jaýap qaıtarady. Biraq odan bas tartýǵa bolady, – dedi Ýshakov. – Eger zań qabyldanbasa, qarymta shara da bolmaıdy». Kómekshi sondaı-aq qarymta sharanyń mazmuny qupııa saqtalatynyn ataǵan. Ýshakov bul málimdemeni 18 maýsymda Meksıkada ótetin «Úlken jıyrmalyqtyń» sammıtinde Reseı prezıdenti Vladımır Pýtın men AQSh prezıdenti Barak Obamanyń kezdesýleri qarsańynda jasap otyr.
Qyryq bes adam mert boldy
Nıgerııanyń Kadýn shtatyndaǵy terrorlyq áreketter men tártipsizdikter saldarynan 45 adam opat boldy. Bul jóninde Frans-press aqparat agenttigi jergilikti bıliktiń siltemesine súıene otyryp habarlady.
Atalǵan agenttiktiń málimetteri boıynsha, jarylys kezinde 19 adam qaıtys bolyp, júzden astam adam jaralanǵan. Terrorlyq áreket týraly habardar bolǵan hrıstıandar el astanasyna baratyn joldy jaýyp tastaǵan. Onymen qoımaı avtokólikterge shabýyl jasaǵan. Onyń sońy taǵy da jıyrmadan astam adamnyń ólimine soqtyrǵan. Qazirgi kezde terrorlyq áreketter men tártipsizdikter oryn alǵan Kadýn shtatynda komendanttyq saǵat engizildi. Aıta keteıik, bul elde hrıstıandar men musylmandar arasynda 1960 jyldan beri osyndaı qaqtyǵystar jıi bolyp turady.
El aýmaǵynan shyǵarýdy bastady
Aqparat agenttikteriniń habarlaýynsha, Izraıl Ońtústik Sýdannan zańsyz kelgen emıgranttardy el aýmaǵynan shyǵarýdy qolǵa aldy. Ony 17 maýsymda keshkisin 123 sýdandyq mingen ushaqtyń Tel-Avıvten Djýbýǵa baǵyt alǵany dáleldeıdi.
Kóshi-qon vedomstvosynyń ókili Gıdon Koennyń aıtýyna qaraǵanda, olardyń úılerine jetý úshin eresekterine 1,3 myń dollardan, al balalarǵa 500 dollardan berilgen. Sonymen birge, sýdandyqtarǵa ózderimen birge 30 kılo júk alyp júrýlerine ruqsat etilgen. Burynyraqta Izraıl ishki ister mınıstri Elı Ishaı 700-1500 ońtústik sýdandyqty el aýmaǵynan shyǵarý josparlanyp otyrǵandyǵyn málimdegen edi. Izraıl bıliginiń esepteýinshe, bul elde 45 myńnan astam zańsyz kelgender turyp jatyr.
Grekııa Eýroaımaqta qalatyn boldy
Grekııadaǵy saılaýda «Jańa demokratııa» konservatıvtik partııasy jeńiske jetken. Bıýlletenderdiń 66 paıyzy sanalǵannan keıingi qorytyndysynda olar 30,1 paıyz daýys jınaǵan. Bul partııanyń parlamenttegi 300 orynnyń 130-yn alǵandyǵyn bildiredi.
Parlament saılaýynda basym daýys alǵan partııa ereje boıynsha qosymsha taǵy 50 mandatqa ıe bolady. Al «Sırıza» solshyl radıkaldy koalısııa 26,5 paıyz daýys alǵan. Olar qazirge 70 oryndy qanaǵat etip otyr. Al PASOK sosıalısteri 12,6 paıyz daýys jınaǵan sııaqty. «Jańa demokratııa» men «Sırıza» partııalarynyń eýroodaqpen yntymaqtastyq jáne qarjylyq kómek máseleleri boıynsha kózqarastary bir-birinen alshaq jatyr. О́ıtkeni, konservatorlar Gresııanyń Eýroodaq quramynda qalyp, 240 mıllıard eýro kólemindegi qarjylaı kómekti alǵysy keledi. Parlamentti quraıtyn negizgi partııalardyń kózqaras alshaqtyǵy jańa úkimetti qurýǵa salqynyn tıgizýi múmkin degen boljamdar aıtylýda.
Qytaıdyń ǵarysh kemesi túıisti
Sınhýa agenttiginiń habarlaýynsha, «Shenchjoý-IX» ǵarysh kemesi «Tıangýn-I» orbıtaldyq modýlimen túıisken. Túıisý shtattyq rejimde ótken.
Úsh Qytaı azamatynyń ǵaryshta on kúndeı bolýy josparlanǵan. Olardyń biri – bul el tarıhynda tuńǵysh ret ǵaryshqa ushqan áıel Lıý Iаn. Al «Tıangýn-I» ǵaryshqa 2011 jylǵy 29 qyrkúıekte shyǵarylǵan edi. Endi Qytaı eli Aıǵa adam attandyrýdy josparlap otyr.
Internet materıaldary negizinde ázirlendi.