«BEST» mektep-gımnazııasynyń oqýshylary Lev Tolstoıdyń «Soǵys jáne beıbitshilik» romany jelisi boıynsha fransýz tilinde spektakl qoıdy.
Qazaqstan halqy oblystyq assambleıasynda ótken qoıylym 12-shi oblystyq «Teatrlyq razezd» atty oqýshylar festıvali aıasynda sahnalandy. Ony Qazaqstandaǵy Fransııanyń Tótenshe jáne ókiletti elshisi Fılıpp Martıne tamashalady. Oqý ordasynyń shákirtteri qazaq, orys jáne aǵylshyn tilinen bólek nemis jáne fransýz tilderin de meńgeredi.
«Fransýz pániniń muǵalimi bizge L.Tolstoıdyń «Soǵys jáne beıbitshilik» romany negizinde spektakl qoıýǵa usynys jasap, birden kelistik. Fransýz tilin 3 synyptan bastap úırenip kele jatqandyqtan esh qıyndyq týdyrǵan joq. Jurtshylyq jyly iltıpatpen qabyl aldy», deıdi 10 synyp oqýshysy Natalıa Plotnıkova.
Spektakl «SQO orys qaýymy» qoǵamdyq birlestiginiń bastamasymen L.Tolstoıdyń 190 jyldyǵyna oraı qoıyldy. Qoǵamdyq birlestik tóraǵasynyń orynbasary Vıktor Dýbrovınniń aıtýynsha, «Best» gımnazııasy lıngvıstıkalyq baǵytta bolǵandyqtan, oqýshylar tapsyrmaǵa óte jaýaptylyqpen qarap, talaptaǵydaı oryndap shyqqan. Oblystyq orys drama teatry tarapynana aqyl-keńester berilgen.
О́mir ESQALI,
«Egemen Qazaqstan»
Soltústik Qazaqstan oblysy