Jezqazǵanda Naýryz merekesiniń qarsańynda 30 otbasy qonys toıyn toılady. Olardyń bári jańa páterlerge jeńildetilgen nesıelendirý baǵdarlamasy boıynsha «Turǵynúıqurylysjınaqbanki» arqyly ıe boldy.
Jańa baspanaǵa memleketten arendalyq páter alýdyń kezeginde turǵan muqtaj jandar qol jetkizdi.
Jezqazǵan qalasynda bıyl 60 páterlik turǵyn úı qurylysy bastalady. Bul joba tolyqtaı respýblıkalyq bıýdjetten qarjylandyrylady. Sondaı-aq, jeke ınvestorlar salǵan 90 páterlik turǵyn úı de aldaǵy ýaqytta paıdalanýǵa berilmekshi. Jalpy 2020 jylǵa deıin Jezqazǵanda 226 otbasyn baspanamen qamtamasyz etý josparda bar.
Qaırat ÁBILDA,
«Egemen Qazaqstan»
Qaraǵandy oblysy